Kalunga oko ngaa e li?
Mo 11 gaSeptemba 2001: Po 8:46 yongula, ondhila onene yaaposhiyoni oya li yi idhenge metungo limwe lyokuumbangalantu lyoWorld Trade Center moshilando New York. Ndyoka olya li eponokelo lyotango lyomomaponokelo giikulo ngoka ga li ga longekidhwa. Muule wominute 102 dha landula ko, aantu ye li 3 000 lwaampoka oya si.
26 Desemba 2004
Ekakamo lyevi ndyoka lya li lya mete 9,0 olya li lya dhenge Efuta lyaIndia nolya li lya dhipaga aantu oyendji miilongo 11, mwa kwatelwa Afrika ndyoka lya li kokule nookilometa 5 000. Muule owala wesiku, aantu 150 000 oya sa nenge ya kana, naantu ye vulithe pemiliyona oya li ya thigwa kaaye na omagumbo.
Mu 1 Auguste 2009: Omulumentu gwoomvula 42 okwa li ta hingi okamota komomeya nokamwanamati ke koomvula 5 noya li yi idhenge metuliloskepa ndyoka lya longwa miiti. He okwa si pethimbo mpoka. Okamwanamati oka li ka hupu poshiponga ihe oka si esiku lya landula ko. Omupambele gumwe ngoka a li a yemata okwa ti: “Otwa li tu na einekelo kutya otapu ka ningwa oshikumithalonga okanona e taka hupu.”
Uuna to lesha kombinga yomaponokelo giikulo nenge yiiponga yopaunshitwe nenge ngele wa silwa gumwe ngoka wu hole, mbela oho kala to ipula ngele Kalunga oku wete ngaa shoka tashi ningwa? Mbela oho kala to ipula kutya okwe tu ekelahi? Ombiimbeli otayi gandja eyamukulo tali hekeleke, ngaashi tatu ke shi mona.
[Omadhina gaathaneki yomathano pepandja 3]
© Dieter Telemans/Panos Pictures
PRAKASH SINGH/AFP/Getty Images
© Dieter Telemans/Panos Pictures