Estra

2 Nave ala yaari achu a eprovinsiya* yaawo yaakoonke wookapuroni, yaawo mwene Napukotonosori o Papulu aaphanreiye ekhala akapuro o Papulu. Awo yaakookela o Yerusalemu ni o Yuta, muchu ti muchu mu epooma awe. 2 Awo yaakoonke ni Soropapeli, Yesuwa, Nehemiya, Seraya, Relaya, Mortekai, Pilsa, Mispar, Pikivai, Rehumu ni Pana.

Waaca wa alopwana a Aisarayeli yaaphitaanyerya: 3 Wa anamwane a Parosi, macikhwi meeli ni achu nsana ni makhumi mathanu nameeli ni achu eeli;* 4 wa anamwane a Sefatiya, masana mararu ni makhumi mathanu nameeli ni achu eeli;* 5 wa anamwane a Ara, masana mathanu nameeli ni makhumi mathanu nameeli ni achu athanu;* 6 wa anamwane a Pahati-mowapi, anamwane a Yesuwa, ni a Yowapi, macikhwi meeli ni masana makhumi mathanu namararu ni achu khumi napiili;* 7 wa anamwane a Elami, ncikhwi nimoha ni masana meeli ni achu makhumi mathanu naxexe;* 8 wa anamwane a Satu, masana mathanu naxexe ni makhumi maxexe nathanu;* 9 wa anamwane a Sekai, masana mathanu nameeli ni achu makhumi mathanu nammoha;* 10 wa anamwane a Pani, masana mathanu nammoha ni achu makhumi maxexe napiili;* 11 wa anamwane a Pepai, masana mathanu nammoha ni achu makhumi meeli nararu;* 12 wa anamwane a Asikati, ncikhwi nimoha ni masana meeli ni achu makhumi meeli napiili;* 13 wa anamwane a Atonekami, masana mathanu nammoha ni makhumi mathanu nammoha ni achu thanu nammoha;* 14 wa anamwane a Pikivai, macikhwi meeli ni makhumi mathanu ni achu athanu nammoha;* 15 wa anamwane a Atini, masana maxexe ni makhumi mathanu ni achu axexe;* 16 wa anamwane a Eteri, a echoko ya Esekiya, makhumi mathanu naxexe ni achu athanu nararu;* 17 wa anamwane a Pesai, masana mararu ni makhumi meeli ni achu araru;* 18 wa anamwane a Yora, nsana nimoha ni achu khumi napiili; 19 wa anamwane a Hasumi, masana meeli ni achu makhumi meeli nararu;* 20 wa anamwane a Kipari, makhumi mathanu naxexe ni achu athanu;* 21 wa anamwane o Petelehemu, nsana nimoha ni achu makhumi meeli nararu; 22 wa achu o Netofa, makhumi mathanu ni achu athanu nammoha; 23 wa achu o Anatoti, nsana nimoha ni achu makhumi meeli nathanu nararu;* 24 wa anamwane a Asimaveti, makhumi maxexe ni achu apiili; 25 wa anamwane a Kiriyati-xeyarimi, Kefira ni Peroti, masana mathanu nameeli ni achu makhumi maxexe nararu;* 26 wa anamwane a Rama ni Kepa, masana mathanu nammoha ni achu makhumi meeli nammoha;* 27 wa achu o Mikimasi, nsana nimoha ni makhumi meeli ni achu apiili; 28 wa achu o Peteli ni o Ayi, masana meeli ni achu makhumi meeli nararu;* 29 wa anamwane a Nepo, makhumi mathanu ni achu apiili; 30 wa anamwane a Makipisi, nsana nimoha ni makhumi mathanu ni achu athanu nammoha;* 31 wa anamwane a Elami mukina, ncikhwi ni masana meeli ni achu makhumi mathanu naxexe;* 32 wa anamwane a Harimu, masana mararu ni achu makhumi meeli; 33 wa anamwane a Lote, Hatiti, ni Ono, masana mathanu nameeli ni achu makhumi meeli nathanu;* 34 wa anamwane o Yeriko, masana mararu ni achu makhumi maxexe nathanu;* 35 wa anamwane a Senaya, macikhwi mararu ni masana mathanu nammoha ni achu makhumi mararu.*

36 Alipa a mukucho: Wa anamwane a Yetaya, a echoko ya Yesuwa, masana mathanu naxexe ni makhumi mathanu napiili ni achu araru;* 37 wa anamwane a Imeri, ncikhwi nimoha ni makhumi mathanu ni achu apiili;* 38 wa anamwane a Pasuri, ncikhwi nimoha ni masana meeli ni achu makhumi maxexe nathanu napiili;* 39 wa anamwane a Harimu, ncikhwi nimoha ni achu khumi nathanu napiili.*

40 Alevi: Wa anamwane a Yesuwa ni Katemiyeli, ni anamwane a Hotaviya, makhumi mathanu nameeli ni achu axexe.* 41 Alipa a wiipa: Wa anamwane a Asafi, nsana nimoha ni achu makhumi meeli nathanu nararu.* 42 Anamwane a alipeleli a milako: Wa anamwane a Salumu, wa anamwane a Eteri, wa anamwane a Talimoni, wa anamwane a Akupi, wa anamwane a Hatita, wa anamwene a Sopai, oothene yaari nsana nimoha makhumi mararu ni achu athanu naxexe.*

43 Anamuteko a empa ya Muluku:* Wa anamwane a Siya, wa anamwane a Hasufa, wa anamwane a Tapawoti; 44 wa anamwane a Kerosi, wa anamwane a Siyaha, wa anamwane a Patoni; 45 wa anamwane a Lepana, wa anamwane a Hekapa, wa anamwane a Akupi; 46 wa anamwane a Hakapi, wa anamwane a Salmai, wa namwane a Hanani; 47 wa anamwane a Kiteli, wa anamwane a Kahari, wa anamwane a Reyaya; 48 wa anamwane a Resini, wa anamwane a Nekota, wa anamwane a Kasami; 49 wa anamwane a Usa, wa anamwane a Paseya, wa anamwane a Pesai; 50 wa anamwane a Asina, wa anamwane a Meunimi, wa anamwane a Nefusini; 51 wa anamwane a Pakipuki, wa anamwane a Hakufa, wa anamwane a Haruri; 52 wa anamwane a Pasiluti, wa anamwane a Mehita, wa anamwane a Harsa; 53 wa anamwane a Parikosi, wa anamwane a Sisera, wa anamwane a Temai; 54 wa anamwane a Nesiya ni wa anamwane a Hatifa.

55 Anamwane a anamuteko a Solomoni: Wa anamwane a Sotai, wa anamwane a Sofereti, wa anamwane a Perita; 56 wa anamwane a Xaala, wa anamwane a Tarkoni, wa anamwane a Kiteli; 57 wa anamwane a Sefatiya, wa anamwane a Hatili, wa anamwane a Pokereti-hasepaimi ni wa anamwane a Amoni.

58 Anamuteko oothene a empa ya Muluku* ni anamwane a anamuteko a Solomoni yaari masana mararu ni makhumi mathanu namaxexe ni achu eeli.*

59 Nave ala yaari yaawo yaakoonke o Telimela, o Teleharisa, o Kerupi, o Atoni, ni o Imeri, nyenya awo hiyaawenrye osuwela imusi saya ni muyareriwo aya, waakhanle wi yaari Aisarayeli naari hooye: 60 Wa anamwane a Atelaiya, wa anamwane a Topiya, wa anamwane a Nekota, masana mathanu nammoha ni makhumi mathanu ni achu eeli.* 61 Anamwane a alipa a mukucho: Wa anamwane a Hapaiya, wa anamwane a Hakosi, wa anamwane a Parsilai, yoowo aamuthenle mmoha a anamwane a Parsilai o Kiliyati nave akuxa nsina na emusi aya. 62 Yaala yaawaavya aliivuru yaarepeliwaayamo wi yoone masina a makholo aya nyenya awo hiyaaphwannyemo. Mwawiihiiha, awo hiyaaphwanelenle okhala alipa a mukucho.* 63 Mulamuleli* aahaaleela yaawo wi hiyaaphwanela olya ichu saweelihiwa ophiyerya akhanlevo namukucho yoowo aahaala okoherya moorweela wa Urim ni Tumim.

64 Waaca wa muloko woothene waari macikhwi makhumi masese nameeli ni masana mararu ni achu makhumi mathanu nammoha,* 65 ehaalakhanyeriwe anamuteko aya aasilopwana ni aasithiyana, yaawo yaari macikhwi mathanu nameeli ni masana mararu ni achu makhumi mararu thanu napiili;* yaakhalavo tho alipa a wiipa masana meeli aasilopwana ni aasithiyana. 66 Akavalo aya yaari masana mathanu napiili ni makhumi mararu nathanu nammoha,* apuuru aya yaari masana meeli ni makhumi masese nathanu;* 67 akamelu aya yaari masana masese ni makhumi mararu nathanu,* apuuru aya akina yaari macikhwi mathanu nammoha ni masana makhumi mathanu napiili ni makhumi meeli.*

68 Vaava yaaphin’yaaya o empa ya Yehova o Yerusalemu, ahooleli akina a imusi yaapaka sooveleela soolakelela wi yuuluuliwe otekiwa empa ya Muluku eeparipari, va nipuro nenle yaatekiwaayavo. 69 Mwawiiwanana ni sookhalano saya, awo yaavaha sooveleela iha: Itrakima* sa ooru sawaakhwana macikhwi masana mathanu nammoha ni ncikhwi nimoha,* imiina* sa eparata macikhwi mathanu ni soowara sa anamukucho sawaakhwana nsana. 70 Nave alipa mukucho, Alevi, achu akina a nloko, alipa a wiipa, alipeleli a milako ni anamuteko a empa ya Muluku* yaamaka mu ipooma saya. Nave Aisarayeli* oothene oohalela yaakookela omaka mu ipooma saya.