Salmu
Salmu a Tavite.
110 Yehova aaloca wa Pwiyaka:
“Okiraathi o ntata naka noolopwana,
Ophiyerya kaakunhe amwiicani aa vathi va inaani saa.”
2 Yehova onahaala otheteya ekopo ya owerya waa* ovinyerya o Siyoni, ariki:
“Olamulele veeri va amwiicani aa.”
3 Nloko naa* nnarwa niiveleela ni murima woothene mu nihiku na ekhoco.*
Mu omwaleela waweela onarwa mu osa,*
Onnawaakhela anakhoco aa amiravo ntoko macoicoi a nikami.
4 Yehova oolipela nave harwa akookela muculi:*
“Weyo wa mulipa a mukucho oohimala
Oolikana ni Melikiseteki!”
5 Yehova onamukhala o ntata naa noolopwana;
Owo onamwaanyaanya mamwene mu nihiku na esara awe.
6 Owo onahaala othoriha* maloko;
Onahaala wuukela miruchu.
Owo onahaala omunyaanya muhooleli a* elapo etokweene.*
7 Owo* onahaala owurya maahi a muhice wa mumphironi.
Mwawiihiiha, onahaala otitelela oviiha muru awe.