Salmu
Wa muhooleli a macipo. Salmu a Tavite.
20 Yehova awaakhule* mu nihiku na sawuukhula.
Nsina na Muluku a Yakopo nookhapelele.
2 Orweela o nipuro naweela owo oorumihele nikhaviheryo,
Nave orweela o Siyoni ookhapelele.
3 Owo uupuwelele sooveleela saa soothene
Nave eemererye moohakalala* mikucho saa soopahiwa. (Selaha)
4 Owo aakhwaniherye soochuna sa murima aa
Nave eerihe marehereryo* aa oothene okhumelela phaama.
5 Nnarwa nikhuwela moohakalala wa nthowa na saweera saa soovuluxa;
Nnarwa niviiha ipanteera sahu mu nsina na Muluku ahu.
Yehova aakhwaniherye sooveka saa soothene.
6 Vano koosuwela wi Yehova onnamvuluxa oothanliwa awe.
Owo onnamwaakhula orweela wirimu wawe waweela
Ni ovuluxa* otokweene moorweela wa ntata nawe noolopwana.
7 Akina anaroromela ikaaro sa ekhoco, akina anaaroromela akavalo;
Nto hiyaano nniichana nsina na Yehova, Muluku ahu.
8 Awo aakwaculiwa nave ahuuwa,
Nto hiyaano noovinya nave nikhala oolipa.
9 Khwoo Yehova, mumvuluxe mwene!
Owo onarwa anaakhula mu nihiku nnahaalaahu okhuwela ntakhara nikhaviheryo.