Salmu
43 Mukithorihe, khwoo Muluku,
Mwaakihe mulacu aka wa nloko noohiroromeleya.
Mukoopole wa achu awootha ni ootakhala.
2 Tiwi nyuwo muri Muluku aka, nipuro naka noochawelavo.
Ntakhara heeni mukikhooncaanyu?
Ntakhara heeni kaahaalaaka weecaka oothanana wa nthowa na ohooxa wa mwiicani aka?
3 Murumihe omwaleela wanyu ni eparipari anyu.
Iho ikihooleleke;
Iho ikihoolele omwaako anyu waweela ni o tapernaakulu anyu mutokweene.
4 Hiihaa, kinamuya o altare a Muluku,
Wa Muluku, yoowo ori ohakalala waka wawaakhwanela.
Nave kinamoocicimihaani ni chakare, khwoo Muluku, Muluku aka.
5 Ntakhara heeni kihiryaakano eweheryeryo?*
Ntakhara heeni kiryaaka awuukhuwaxa?
Kinamunweheryaka Muluku,
Woona wi nlelo kinahaala omucicimiha ntoko Mvuluxa aka Mutokotoko ni Muluku aka.