Salmu
Wa muhooleli a macipo; ni ncipo nniichaniwa “Muhikitoloxe.” Salmu a Tavite. Mikitawu.*
58 Apwanne nyuwo munanwerya oloca sa wookololowa, vaavaa munamaalaanyu?
Apwanne munanwerya othoriha mwawookololowa, nyuwo anamwane a achu?
2 Ohiya yeeyo, nyuwo munnavaanela ohookololowa mmurimani mwanyu,
Nave matata anyu annamwaryamwaxa nlala mweelaponi.
3 Achu oonanara murima annahuwela* ovinyerya vaavaa anayariwaaya;*
Awo toomwaryeya ni awootha ovinyerya mmirimani mwa amamaaya.
4 Esenya aya eri ntoko esenya ya inowa;
Awo aciyamaaru ntoko enowa yeeyo enaciyela iwaru saya.
5 Eyo hewiriyana nsu na alipa a masica,
Naamwi awo epanke masica a mavyakeloxa.
6 Khwoo Muluku, mwaapwexe miino mwaano mwaya!
Khwoo Yehova, munyaanye ilakhutha sa amwaco yaala!
7 Awo ecakanele ntoko maahi anaweleela;
Owo areye munra ni aweerihe awo wuuwa ni mavaka awe.
8 Awo ekhale ntoko ekhori* yeeyo enanyewa mumphironi,
Ntoko mwaana oyariwe ookhweene, yoowo ohinahaala woona nsuwa.
9 Ipanela sanyu sihaakumve oviha ni ikhuuni sa mwiri wa miiwa,
Owo onamukusa mirai mikithi ni seiho sinavarela, ntoko ikusiwe ni echeku yawuupa.
10 Awookololowa murima onarwa ahakalala vaavaa oneereiye amoone Muluku inlaka ikuhu;
Inaani sawe sinamurapihiwa mu nikhami na achu aweera soonanara.
11 Voocharela achu anahaala oloca eriki: “Mweeparipari nookhalavo nchuwelo wa awookololowa.
Chiryene ookhalavo Muluku yoowo onathoriha mweelaponi.”