Salmu
Wa muhooleli a macipo. Ni ncipo nniichaniwa “Muhikitoloxe.” Salmu a Asafi. Ncipo.
75 Ninnoothamalelaani, khwoo Muluku, ninnoothamalelaani;
Nsina nanyu nri vakhiviru,
Nave achu annalaleya saweera sanyu sootikhiniha.
2 Nyuwo munnaloca: “Katikitherya elukuluku,
Kinnathoriha mwawookololowa.
3 Vaavaa elapo ni soothene sinakhala mwemmo saacikinyen’yaaya,*
Ti miyaano kaalipinhe apoco aaya.” (Selaha)
4 Kinnaloca wa awiirumiha: “Muhiikuxererye,”
Nave wa oonanara murima: “Muhivuwihe owerya wanyu.”*
5 Muhivuwihexa owerya wanyu*
Naari mano oloca mwawiisoona.
6 Tiwi winnuwihiwa
Honarweela onakhumawo nsuwa, naari nnaneelaayawo, naari mano ohico.
7 Tiwi Muluku tori muthoriha.
Owo onnamuyeviha mmoha nave amunnuwiha mukina.
8 Woona wi mu ntata na Yehova wookhalamo ekahi;
Eviinyu ennakhuma niphweru nave ti yawaakanyeryiwa.
Owo chiryene onamuyeeha yeeyo,
Nave achu oothene oonanara murima a veelaponi anahaala owurya yeeyo ophiyerya ncoicoi nookuchula.”
9 Nto wa miyo, kinamulaleya ichu seiha okhala wookhala;
Kinammwiipela macipo* Muluku a Yakopo.