Nyuwaano Moolekecheya wi Mookhalano Eparipari? Ntakhara Heeni?

“Muróre yeyo eri yokhwela ya Muluku, yaphama, ni yohakalaliha, ni yophámeya.”​—AROM. 12:2.

MWAHAALA WAAKHULA HAI?

Ntakhara heeni meecelo a Anamoona a Yehova mu elukuluku ya ekhoco waahaalekecha achu ancipale?

Muteko ahu wa olaleerya onaalekecha hai ancipale wi na Akiristu eeparipari?

Ntakhara heeni moolekecheya wi mookhalano eparipari?

1. Tiheeni ahooleli a Ekiristu yoowoka yeenraaya mu ilukuluku sa ekhoco?

APWANNE yookhwela ya Muluku wi Akiristu eeparipari eyeeke okhoconi ni owiipha achu a elapo ekina? Mu iyaakha 100 sivinre, eyo yoheeriwa wiiliwiili ni achu ancipale yaawo yiisera Akiristu. Ahooleli a Katolika yaanaavekelela anakhoco ni ikapuchi saya mu ikhoco ewanaka ni Akatolika a ilapo ikina. Emohamoha yaaneeriwa ni ahooleli a Aporta. Ekhoco Yanaawiili ya Elapo Yoothene yawooniherya yoopacerya ya wiipiwa wa achu.

2, 3. Tiheeni Anamoona a Yehova yenraaya mu elukuluku ya Ekhoco Yanawiili ya Elapo Yoothene nave voocharela, ntakhara heeni?

² Tiheeni Anamoona a Yehova yenraaya mu elukuluku yeele ya ekhoco? Miyaha soorempwa sinnooniherya wi awo yaahiikhalela oororomeleya ntoko Akiristu. Taavi yaari mathipelo a ororomeleya waya? Yaachara yootakiherya ya Yesu ni mahusiheryo awe. Owo aaloca: “Mwa ela enarwa-esuwelasha othene wi muri óhuserya-aka, mwárino osivelana mukina ni mukhwawe.” (Yoh. 13:35) Awo tho yaapharihela phaama malakiheryo murummwa Paulo aarepenleiye Akiristu o Korinto.​—Mwaalakhanye 2 Akorinto 10:3, 4.

³ Mwawiihiiha, Akiristu eeparipari, yaawo yaarino yawuupuxerya-ya-murima aya yoovyakihiwa ni Piipiliya, hanahuserya ekhoco naari wiipha. Ntoko yookhumelela ya okhala oororomeleya, macikhwi a Anamoona, anamwane ni atokweene, alopwana ni athiyana, anniikariwa. Ancipale annahooxiwa ni miteko soophareliwa ni owaleliwa mukariposo. Elukuluku ya Nasista o Xermano, ancipale yaaphiyerya wiiphiwa. Moohipwacha wiikariwa otokotoko awo yaakumannaayano o Europa, Anamoona hintonko ocuwala muteko aya wa olaleerya michaka saphaama sa Omwene wa Yehova. Awo moororomeleya yaaheerano yeela​—mukariposo, miteko soophareliwa, ni mu okapuro.a Ohoolo waya, Anamoona hiyaapanke makupa mu ekhoco ya othanyana wa maloko o Ruwanta mu 1994. Awo tho hiyaapanke makupa mu ekhoco eyeenhe nikhami nincipale yeeren’ye hiihaanoru o Palkano Yukoslavia.

4. Ororomeleya wa Anamoona a Yehova waavolowenle hai alipa woona?

⁴ Ororomeleya wa Anamoona a Yehova waahaalekecha macikhwi a achu orukurerya elapo, wi Anamoona aakhalano osivela weeparipari wa Muluku ni amwaacamani aya. Mmasu makina, awo Akiristu eeparipari. Ohiya yeeyoru, sookhalawo mikhalelo mikina sa malapelo ahu saalekenche ancipale wi Anamoona a Yehova, Akiristu eeparipari.

MUTEKO MUTOKOTOKO WA OHUSIHA

5. Matorokelo taani Arummwa oopacerya a Kiristu yaakumannaayano?

⁵ Ovinyerya omapacereryo wa orummwa wawe, Yesu aalipiherya ochuneya wa olaleerya michaka saphaama sa Omwene wa Muluku. Owo aahaathanla arummwa 12 wi ekhale mathipelo a orummwa wa elapo yoothene; amanle waarumiha, owo aavyakiha nikhuuru na arummwa 70. (Luka 6:13; 10:1) Yaala yavyakihiwa wi yaakawele akina michaka saphaama, voopacerya wa Ayuuta. Voocharela, yootikhiniha! Oohuserya a Yesu yaahaala okuxa michaka sa phaama wa oohithikiliwa a maloko oothene. Waari otorokeya otokotoko wa arummwa a mvai yaari Ayuuta!​—Saw. 1:8.

6. Tiheeni yaamweerinhe Petro woona ohikhala nthalu wa Yehova?

⁶ Murummwa Petro aarumihiwa wa Korneliyo, mmalapo oohithikiliwa. Petro aahoona wi Muluku haanono nthalu. Korneliyo vamoha ni amusi awe yaapatisiwa. Okiristu vano waamwaramwaxeya mmakupa mavyaani; achu a maloko oothene yaanwerya wiiwa eparipari ni weemererya. (Saw. 10:9-48) Vano emaca yaahaala okhala elapo yoothene.

7, 8. Muteko taani marehereryo a Yehova anapharaaya? (Moone eruku yoopacerya.)

⁷ Mwaha wa Anamoona a Yehova amutano, yaale anahoolela annakhaviherya mwamvai olaleerya ni ohusiha michaka saphaama orukurerya elapo yoothene. Olelo, aakhalawo waacamela macikhwi mathanu nararu a Anamoona a mvai yaawo analaleerya muchaka wa Kiristu opwaha ilocelo 600, ni sookhumelela sa phaama! Anamoona a Yehova aasuweliwa phaama nthowa na orummwa waya wa empa ni empa vamoha ni olaleerya waya mu iphiro, ikwaha ikina epharihelaka meesa a soolaleeryiwa ni sawooniherya.

⁸ Alipa ootaphulela opwaha 2.900 annavyakihiwa phaama wi emutaphulele Piipiliya ni soolaleeryiwa sa Mpiipiliyani. Muteko aya tahi wa ilocelo inooniwa okhala sookhweleya pahiru. Wiilipixerya waya onnaphitaanyerya macikhwi a ilocelo seiho sihisuweliwe elapo yoothene nyenya sikhanle, nave, sinalociwa ni macikhweene aachu. Ntoko yawooniherya, o Espanya achu macikhweene o Kataloniya, nihiku nnihiku analoca elocelo aya yooyariwano, Ekatala. Xaxaxa ilukuluku sahiihaanoru, ennakhumelela Ekatala ni ohiyana waya ni Antora, Alikante, Ivilivili sa Paleari, ni Valensiya. Vano Anamoona a Yehova annapaka soolaleeryiwa sa Mpiipiliyani mu elocelo ya Ekatala, nave mithukumano Seekiristu sinnapakiwa mu elocelo yeeyo enatannya mirima sa Akataloniya.

9, 10. Tiheeni enooniherya wi marehereryo a Muluku annapwacha soothowa soomunepani sa achu oothene?

⁹ Muteko yoola wa otaphulela ni ohusiha onneeriwano mmahimo mancipale. Elapo ya Mexiko enalociwa Espanyola nyenya aakhalawo makhuuru aachu oohihuserya analoca ilocelo ikina. Maya nikhuuru nimoha na yaawo. Efiliyale ya Mexiko yaaruma nikhuuru nootaphulela na Maya wi yakhale variyari va elapo weiwo awo yaahaalaaya oloca ni wiiwa elocelo eyo nihiku nnihiku. Yootakiherya ekina ti Enepali, emoha ya ilocelo inalociwa o Nepali, oriwo achu awaakhwana macikhweene 29. Ilocelo ikina 120 sinnalociwa mu elapo yeela, nyenya macikhweene 10 analoca Enepali nave achu ancipale elocelo aya yanaawiili. Soolaleeryiwa sahu sa Piipiliya sinnataphuleliwa tho mu elocelo yeela.

¹⁰ Marehereryo a Yehova aniiwelela ni murima woothene nlamulo na olaleerya michaka saphaama sa Omwene veelaponi yoothene, ntoko enooniheryiwaaya ni makhuuru mancipale a alipa ootaphulela orukurerya elapo. Macikhwi macikhweene a itrataato, iproxura, ni irevista sinnavahiwa achu veelaponi yoothene, mahaleene. Soolivelano sinarweela mu sooveleela soochuna sa Anamoona a Yehova, yaawo anachariha masu a Yesu: “Mwáhákhela siyo ene, vahani siyo ene.”​—Mat. 10:8.

11, 12. Ti mwawiihai muteko onapakiwa ni Anamoona a Yehova wa olaleerya elapo yoothene onaruuhaaya mphurelo waphaama waakina?

¹¹ Ntoko alaleeryi ni anamahusiha EeKiristu awiiveleela, Anamoona a Yehova ari oolekecheya wi aakhalano eparipari ophiyerya wiilipiherya wi yuuke muchaka ni achu a maloko ni mahimo makina. Ancipale annakukuca okumi aya, ohuserya elocelo ekina, ni wiikhoveleliha ilapo ikina wi yuuke muteko yoola Weekiristu. Muteko yoola wa olaleerya ni ohusiha wa elapo yoothene echu ekina enaalekecha achu ancipale wi Anamoona a Yehova oomuchara eeparipari a Kiristu Yesu.

¹² Anamoona anneera soothene seiha nthowa nawi aalekecheya wi aakhalano eparipari. Nyenya echu taani ekina yaalekenche macikhwi a achu wi Anamoona aakhalano eparipari?​—Mwaalakhanye Aroma 14:17, 18.

NTAKHARA HEENI AWO AALEKECHEYA

13. Ti mwawiihai Anamoona anakhapelelaaya marehereryo okhala aweela?

¹³ Hiyaano nnanwerya ophura moorweela wa sooloca sa Akiristu awiiveleela a mutano, yaawo alekechen’ye wi aakhalano eparipari. Mulapeli mmoha a Yehova orumeenle mu elukuluku yincipale ooloca moonelo awe ariki: “Ninniilipixerya vancipale wi marehereryo a Yehova etitelele okhala aweela mmeecelo ni oohiriipiheya, naamwi akina elakiwaka.” Onaweryeya hai okhalano meecelo yaala a vasulu? Moorweela wa ochariha meecelo atikitheryiwe mu Masu a Muluku ni yootakiherya ya Yesu ni oomuchara awe avanhaaya. Mwawiihiiha, mmwaha wamutano wa Anamoona a Yehova, achu vakhaani anniikariwa mmulokoni ntakhara wi awo hanakhala mwawiiwanana ni meecelo a Muluku. Ancipale​—ophitaanyerya yaale yaakhala moohiiwanana ni yoochuna ya Muluku nyenya etoroka—​annakhapelela mukhalelo wa okumi waweela ni ntakiheryo naphaama.​—Mwaalakhanye 1 Akorinto 6:9-11.

14. Tiheeni ancipale yiikariwe mmulokoni aneeraaya, nave ni mphurelo taani?

¹⁴ Hanka vooloca sa yaale yiikariwe mmulokoni, ntoko Soorempwa inalocaaya? Macikhwi annacharuwa meecelo aya oonanara nave annaakheliwa phaama mmulokoni. (Mwaalakhanye 2 Akorinto 2:6-8.) Ochara meecelo a vasulu a Piipiliya ennakumiherya weela ni ororomeleya wa muloko Weekiristu. Anamoona a Yehova wiiwelela waya meecelo a Muluku​—moohiyana ni ikerexa sincipale—​ennaalekecha achu ancipale wi awo achu arino eparipari.

15. Tiheeni yaamulekenche munna mmoha wi owo ookhalano eparipari?

¹⁵ Ntakhara heeni anamoona a Yehova akina awunnuwela aneemereryaaya wi aakhalano eparipari? Munna mmoha orino iyaakha variyari va 50, onnaloca: “Ovinyerya kiri mmiravo kaaneemererya wi nroromelo naka nthipelen’ye mmavaca mararu: (1) wi Muluku ookhala; (2) wi owo tomveerenle Piipiliya; ni (3) wi owo onnapharihela ni oreeliha muloko WeeKiristu wa Anamoona a Yehova amutano. Vaavaa kaahuseryaaka mu iyaakha muculi, kaaneererya waalikhela mavaca yaala ni wiikoha mukhataaka waakhanle wi yaatikitheryeya. Yookhumelela waari oya vahoolo eyaakha ni eyaakha, elipixaka nroromelo naka ni waaceererya olekecheya waka wi hiyaano chiryene, nookhalano eparipari.”

16. Tiheeni yaamulekenche murokora mmoha vooloca sa eparipari?

¹⁶ Murokora mmoha ootheliwa yoowo onarumeela mu nipuro ntokweene na elapo yoothene o Nova York onnaloca sa marehereryo a Yehova: “Ala pahiru tanalaleeya moohihiyererya nsina na Yehova. Ela ti yoophwanelela vaavaa nnuupuwelaahu wi nsina na Muluku ninnaphwanyeya ikwaha 7.000 Mpiipiliyani!” Kinnathamalela olipiha onaphwanyeya mu 2 Matharihelo 16:9: ‘[Yehova], onnavarerya itxhu sothene inaphatxuwa mwelaponi, nave onnàkhaviherya yale anàroromela yawo ni murima wothene.’ Owo onnapwahiherya: “Eparipari yookooniherya mukhalelo wa okhalano murima woororomela wi Yehova awerye wooniherya ikuru sawe wa miyo. Onthamwene aka ni Yehova ti wookhweleyaxa wa miyo. Nave kinnathamalela muteko wa Yesu mu ovaha osuwela weeparipari wa Muluku yoowo onakikhapelela.”

17. Muchu yoowo aaheemererya okhala wa Muluku tiheeni vano emulekenche, nave ntakhara heeni?

¹⁷ Muchu yoowo aaheemererya okhala wa Muluku aaloca: “Soopatuxiwa sinnanlekecha wi Muluku onachuna wi achu epuhe okumi, mwawiihiiha owo heemererya wi makacamiho etitelele okhala wookhala. Vaava elapo enayaaya ohoolo ni onanara, achu a Yehova annaya vahoolo mu nroromelo, mvai, ni osivela. Pahiru munepa wa Yehova tonawerya opaka sootikhiniha heiha sa mutano.”​—Mwaalakhanye 1 Petro 4:1-4.

18. Munoona hai moonelo wa anna akina apiili?

¹⁸ Namoona mukina akhalai ooloca echu enamweeriha wi eemereryeke eparipari yeeyo nnalaleeryaahu: “Ohuserya waka mu iyaakha ivirale wookilekecha wi Anamoona anniilipixerya vancipale wi ekookihe yootakiherya ya Okiristu wa nsana noopacerya. Kohoona mukhataaka waataana wa Anamoona a Yehova mu elapo yoothene vaavaa kapakaaka mikwaha orukurerya elapo. Eparipari yoorweela Mpiipiliyani ennakivaha murecele ni ohakalala.” Vaavaa munna aarino iyaakha opwaha 60 aakohiweiye ntakhara heeni owo oolekecheya wi ookhalano eparipari, owo aaloca yootakiherya ya Yesu Kiristu athariha: “Hiyaano noohuserya moomaaleleya okumi ni orummwa wa Yesu nave ninnathamalela yootakiherya awe. Noopaka matorokelo mmukhalelo ahu wa okumi wi nimwaacamele Muluku moorweela wa Yesu Kiristu. Hiyaano ninneemererya mukucho wa Yesu ntoko mathipelo a ovuluxa. Nave noosuwela wi owo ooviihiwa mookhwani. Hiyaano ninneerela onamoona orweela wa achu yoonne yaweereya yeela.”​—Mwaalakhanye 1 Akorinto 15:3-8.

TIHEENI NNAPHWANELAAHU WEERA NI EPARIPARI?

19, 20. (a) Muteko taani Paulo aaceenyenreiye muloko wa Roma? (b) Ntoko Akiristu awiiveleela, teevi eri ekari ahu?

¹⁹ Ntoko Akiristu ninnaasivela amwaacamani ahu, hannaphwanela okhuwa nsuweliho neeparipari. Paulo aavaanela ni anna awe a muloko wa Roma: “Khwino onarwa-wemyererya m’wano mwá wi Yesu, ti Apwiya, ni nroromelo m’murimani mwá wi Muluku ámvíha wukhwani, onarwa-ovuluwa. Vawi ni murima mutctu onnaroromela . . . , ni m’wano onnemyererya okusha’vo ovulushiwa.”​—Arom. 10:9, 10.

²⁰ Ntoko Anamoona a Yehova a wiiveleela, hiyaano noolekecheya wi nookhalano eparipari nave murici ahu waahusiha akina michaka saphaama sa Omwene wa Muluku ni malamulo awe. Vaavaa nnayaahu vahoolo ni muteko ahu wa olaleerya, ancipale ananwerya otikhina ohiya pahiru yeeyo nnahusihaahu orweela Mpiipiliyani nyenya tho olekecheya wahu.

[Nsu na vathi]

[Iruku va epaaxina 9]

Nikhuuru nootaphulela ntaphulelaka soolaleeryiwa mu Low Xermano (Moone eparakrafo 10)

[Eruku va epaaxina 10]

Soolaleeryiwa mu Low Xermano sinnaphariheliwa o Parakwai (Moone tho eruku yoopacerya)