MWAHA WA EKAAPA | ANAMOONA A YEHOVA TAANI?

Ntakhara heeni ninnalaleerya?

Echu enanihiyaniha vancipale ori muteko ahu wa olaleerya​—empa ni empa, vanlakani ni voothevene anaphwanyeyavo achu. Ntakhara heeni ninneerano yeela?

Anamoona a Yehova annalaleerya wi emucicimihe Muluku ni ovuwiha nsina nawe. (Ahebri 13:15) Ninnachuna tho omwiiwelela Kiristu Yesu yoowo aalamulenle: “Haweni, mwahusihe atxhu othene, . . . nave mwahusihaka wera sothene korummakani.”​—Mateu 28:19, 20.

Mwawaaceererya, ninnaasivela amwaacamani ahu. (Mateu 22:39) Ninnasuwela wi achu ancipale aakhalano ikerexa ni soororomela saya, ninnasuwela tho wi oothene henii esiveliwe ni michaka sahu. Naamwi hiiha, ninneemererya wi mahusiheryo a Piipiliya annavuluxa ikumi. Ti nthowa nene nnatitelelaahu “olaleya ni ohusiha Mutxhaka Waphama wa Kiristu Yesu,” hiiha ntoko yenraaya Akiristu a nsana noopacerya.​—Saweriwa T’arummwa 5:41, 42.

Achu ancipale yaawo anaalakhanya soolaleeryiwa sahu tahi pahiru Anamoona a Yehova. Nave ancipale a yaawo anamuhuserya Piipiliya ni hiyaano aakhalano ikerexa saya. Nave awo annasiveliwa oxekuryiwa ni Anamoona a Yehova.

Moohikhwa minikwa, nyuwaano munamukhalano makoho makina vooloca sa Anamoona a Yehova. Ninnoowopaani wi mphwanye maakhulo moorweela wa:

• Omukoha Namoona a Yehova.

• Opharihela interneti mu, www.jw.org.

• Ophiya mmithukumano sahu.

[Yooleeliherya va epaaxina 7]

Wi musuwele sincipale vooloca sa Anamoona a Yehova moone exilema Anamoona a Yehova​—Ooreheryeya wi Elaleerye Michaka Yaphaama, mu www.jw.org/ngl. (Muye SOOLALEERYIWA > IVIITIYU)

[Ekaaxa va epaaxina 7]

Mulipa ootholathola awiichaniwa Antonio Cova Maduro aarepa sa “wiilipixerya wa Anamoona a Yehova, . . . wi soorempwa saweela siphiye mmakupa oorakamela a elapo.”​—Eyornaali ya El Universal, Venesuwela