Yoochariha ya Esumana ya 9 a Fevereru

ESUMANA YA 9 A FEVERERU

Ncipo 9 ni Nivekelo

□ Yoohuserya ya Piipiliya ya Muloko:

my ekap. 75, 76 (30 min.)

□ Exikola ya Orummwa Woomuluku:

Waalakhanyiwa wa Piipiliya: Amuthoriha 11-14 (8 min.)

No. 1: Amuthoriha 13:15-25 (3 min. naari vakhaani)

No.2: Nnii nooniherye hai ocicimiha okumi ahu?​—bh ekap. 13 ¶7 (5 min.)

No.3: Piipiliya onniiwanana ni siyensiya?​—igw epaax. 7 ¶1-3 (5 min.)

□ Muthukumano wa Muteko:

Yoorepa ya Mweeri: Mukhale “Amvai va Miteko Yorera”!​—Tito 2:14.

Ncipo 54

15 min: “Ntakhara Heeni Okhala ‘Amvai va Miteko Yorera’?” Othokororya. Mphitaanyerye sooloca sinaphwanyeya mu Mulipeleli 1 a Yunyu 2002, epaaxina 23, iparakrafo 17-19.

15 min: “Wunnuwiha Mavyakelo ahu mu Orummwa​—Ovaha Onamoona ni Telefone.” Othokororya. Mu ikulucu eriwo atelefone vakhaani, mvuwihe sooleeliherya ni malakiheryo enaphara muteko mwawiiwanana ni mukhalelo wa onamoona ori wawunlaana mu ekulucu. Mphitaanyerye ni saweereya, nave mwaawope alaleeryi wi eloce yaweereya ya va ekulucu enooniherya waakhulela phaama wa anamakhala variyari va onamoona ni telefone. Ekhalevo yawooniherya yawaakuveya yooniheryaka mukhalelo wa opharihela muteko nlakiheryo nenla.

Ncipo 33 ni Nivekelo