NIKUPA 8

Hiiho Piipiliya Aalochenliiye Khuluwi Sinnaakhwaniheryiwa

Piipiliya hanavelela pahiru mwaha wa eeparipari wa hiiho serenyee mu elukuluku evinre, nyenya onnalocatho sa hiiho inahaala weereya muhoolo. Achu hanawerya olocela khuluwi sa muhoolo. Ti nthowa nene nnasuwelelahu wii Piipiliya ta Muluku. Mano Piipiliya onaloca eheni sa muhoolo?

Owo onaloca sa ekhoco etokotoko ya Muluku. Mu ekhoco ene yeeyo, Muluku onahaala ovihavo veelaponi yavathi onanara woothene vamoha ni achu oonanara, nyenya onarwa aakhapelela yaawo anamurumela. Mwene a Muluku, Yesu Kristu, onahaala othokororya wii arummwa a Muluku ekhale ni murechele ni ohakalala, ni wii ehirwe yiicheliweke nari okhwa.

Ninnaphwanela okhala oohakalala wii Muluku onahaala ompaka paradaiso ahihano veelaponi yavathi, hinnaphwanela? Nyenya, ninnaphwanela weravo echu, nachunaka okhala mparadaiso ene yoowo. Mmwaha wokuchula wa liivuru ola, nnahaala osuwela sa yeeyo nnaphwanelahu weera wii naakhele ichu sotikiniha hiiho Muluku owiiyathenryiye yaawo anamurumela. Va nthowa nenla, alakhanyani NIKUPA 8 nave onani hiiho Piipiliya olochenliiye khuluwi sa muhoolo.