EPIIPILIYOTEKA ya Watchtower
EPIIPILIYOTEKA
ya Watchtower
Elomwe
  • PIIPILIYA
  • SOOLALEERYIWA
  • MITHUKUMANO
  • lfb yoohuserya 75 epaax. 178-epaax. 179 epara. 4
  • Musaserya Onnamweererya Yesu

Henaphwanyeya exilema mu nikupa nenla.

Munikhurumuwele, yookhala ehesen'ye nichunaka owoonihaani exilema ela.

  • Musaserya Onnamweererya Yesu
  • Ohuserye Miyaha sa Piipiliya
  • Miyaha Soophwanaphwana
  • Muhuserye Mukhalelo Yesu Ovoontheiye Saweeha
    Yesu—Ephiro, Eparipari, ni Ekumi
  • Tiheeni Piipiliya Onaloceiye?
    Mulipeleli Alaleyaka Omwene wa Yehova—2016
Ohuserye Miyaha sa Piipiliya
lfb yoohuserya 75 epaax. 178-epaax. 179 epara. 4
Yesu akhoocaka ocupha vasulu va empa ya Muluku

MWAHA 75

Musaserya Onnamweererya Yesu

Yesu akhoocaka otatuxa maluku wi ekhale iphaawu

Yesu aamanleiye opatisiwa, munepa waweela waamukeriha mutakhwani. Aamaliha mahiku 40 ahilyile echu. Musaserya aarwa wi amweehe ariki: ‘Waari mwaana a Muluku, olamule maluku ala wi ethatuwe iphaawu.’ Yesu aamwaakhula: ‘Soorempwa wi: Tahi yoolyaru enamukhaliha muchu, nto masu oothene anakhuma mwaano mwa Muluku.’

Musaserya aamweeha wanaawiili ariki: ‘Waari mwaana a Muluku, wiimorihele vathi ntakhara soorempwa: Muluku onamwaaruma ankeelo awe wi yoopharele.’ Nto Yesu aamwaakhula ni soorepa: ‘Yoorempwa tho wi: Ohiweererye Apwiya Muluku aa.’

Yesu akhoocaka yoovaha ya Satana ya omweene woothene wa elapo

Voocharela, Satana aamooniha mamwene a elapo ni muhakhu aya nave aaloca: ‘Kinahaala woovaha ichu soothene iha wakikokhorela ekwaha emoha pahi.’ Yesu aariye: ‘Pwahavo Satana, ntakhara yoorepiwa wi: oweepeseke pahiru Apwiya Muluku aa.’

Musaserya aapwahavo nave ankeelo yaarwa emvaha Yesu yoolya. Opacerya elukuluku yeeyo, Yesu aaphara muteko yoowo aarummwaleiye wa olaleerya michaka sa Omwene. Achu yaanasiveliwa ni ohusiha wawe nave yaanamuchara voothevene.

“Mwa [Satana] hiwamo eparipari: owo othaka, onalotxa eri yawawe, ntakhara owo ori mulipa awotha ni tithi a wotha.”​—Yohani 8:44

Makoho: Tisivi saari saweeha raru? Yesu aamwaakhunle hai Musaserya?

Mateu 4:1-11; Marko 1:12, 13; Luka 4:1-15; Malamulo 6:13, 16; 8:3; Tiyako 4:7

    Soolaleeryiwa sa Lomwe (1995-2024)
    Okhumavo
    Ovolowa
    • Elomwe
    • Ovaha
    • Orehererya
    • Copyright © 2025 Watch Tower Bible and Tract Society of Pennsylvania
    • Malakiheryo a Opharihela
    • Malakiheryo a Sookhuweya
    • Configurações de Privacidade
    • JW.ORG
    • Ovolowa
    Ovaha