Tiheeni Piipiliya Onaloceiye?

Taani naari tiheeni Musaserya?

MWAAHAALA OLOCA wi Musaserya ti . . . 

• Muchu oomunepani?

• Mukhalelo woonanara onakhala mpuwa mwa muchu?

• Waanyiherya wa Achu?

PIIPILIYA ONII

Musaserya aachekula nave ‘amwererya’ Yesu. (Mateu 4:1-4) Mwawiihiiha Musaserya tahi waanyiherya, nave tahi mukhalelo woonanara. Owo muchu oomunepani ootakhala.

TIHEENI NNAHUSERYAAHU ORWEELA MPIIPILIYANI?

• Woopaceryani Musaserya aari munkeelo aphaama, nyenya “halekenle mwa eparipari.” (Yohani 8:44) Owo aakhala nawoothe nave aammwareela Muluku.

• Ankeelo akina yaaphitaana mu omwareya wa Satana.—Wupulula 12:9.

• Musaserya ohaariipiha achu ancipale.—2 Korinto 4:4.

Apwanne Musaserya onnaalamulela achu?

ACHU AKINA ANALOCA wi olamuleliwa ni Musaserya ti yatheru, eniiha akina yoovaka ovoloweliwa ni minepa soonanara. Hanka nyuwaano?

PIIPILIYA ONII

“Elapo yothene ennatxhonkiwa ti mutakhali.” (1 Yohani 5:19) Musaserya onnavolowela vancipale achu oothene, nyenya owo hanawerya omulamulela muchu ori oothene.

ECHU TAANI EKINA NNAHUSERYAAHU ORWEELA MPIIPILIYANI?

• Musaserya onnapharihela wootha wi aaceererye ovolowela wawe.—2 Korinto 11:14.

• Mmukhalelo mukina minepa soonanara inanwerya waalamulela achu.—Mateu 12:22.

• Nnikhaviheryo na Muluku, munanwerya okhumelela phaama mu ‘okhoma ni Sàtana.’—Tiyako 4:7.

Wa miselo sawaaceererya, moone mwaha 10 wa liivuru ola, Piipiliya Onahusiha Eheeni Chiryene?, olaleeryiwe ti Anamoona a Yehova

Onnaphwanyeya tho mu www.jw.org/ngl