OPACERYIHA OVAANELA
YOOHUSERYA 5
Mukhale a Ncicimiho
Nlakiheryo: “Ilukuluku soothene masu anyu ekhaleke oosiva.”—Ako. 4:6.
Tiheeni Paulo Opankeiye?
1. Moone EXILEMA, naari mwaalakhanye Saweeriwa ti Arummwa 17:22, 23. Voocharela, mwaakhule makoho anacharela:
Ti mwawiihai Paulo iisoonneiye vaavaa onneiye ichu saaphariheliwa ni malapelo atheru o Atena?—Mmoone Saweeriwa ti Arummwa 17:16.
Ohiya wi mwaathoriha achu o Atena, ti mwawiihai Paulo oonihenryeiye ncicimiho vaavaa aaloceiye ni yaawo vooloca sa michaka saphaama?
Tiheeni Nnahuseryaahu Orweela wa Paulo?
2. Ti yawooneya wi achu anahaala oniwiriyana wakhala wi noothanlela phaama yeeyo nnayaahu oloca, mukhalelo wa oloca ni elukuluku nnahaalaahu oloca.
Mmutakiherye Paulo
3. Muthanle phaama masu. Ntoko yootakiherya, vaavaa nnavaanelaahu ni muchu yoowo onakhala mmalapelo yaawo ehiri Eekristu, akhweya onamuchuneya otoroka mukhalelo wa oloca sa Piipiliya, naari mukhalelo wa oloca sa Yesu.
4. Muhimvaanye muchu mwawaakuveya. Mmuhiye muchu owo wi aloceke. Wakhala wi muchu owo onaloca echu enavuhana ni yeeyo Piipiliya onahusiheiye, musepe mukhalelo wa waakhulana. (Tiy. 1:19) Vaavaa munanwiriyanaanyu muchu munanwerya wiiwexexa phaama moonelo awe.—Mas. 20:5.
5. Wakhala wooweryeya, mmwemereryeke ni omuthamalela. Akhweya owo onnaroromela moomalela wi soororomela sa malapelo awe ti seeparipari. Woopaceryani, mweererye oloca vooloca sa yeeyo muneemereryaanyu. Voocharela, vakhaani-vakhaani mmukhaviherye muchu owo wiiwexexa yeeyo Piipiliya onahusiheiye.