Waapwacha Akina

Tiheeni Yesu Opankeiye?

EXILEMA: Yesu ni Muthiyana Veehime

1. Moone EXILEMA, naari mwaalakhanye Yohani 4:6-9. Voocharela, mwaakhule makoho anacharela:

1. Tiheeni Yesu aavareryenleiye vooloca sa muthiyana ahaakumve opaceryiha ovaanela?

2. Yesu aalocano ariki: “Okivahe maahi.” Ntakhara heeni ola waari mukhalelo waphaama wa opaceryiha ovaanela?

Tiheeni Nnahuseryaahu Orweela wa Yesu?

2. Ti yawooneya wi ovaanela onamukhala waphaama wakhala wi nootannya mwaha yoowo onamweeriha muchu mukina okhalano nchuno.

Mmutakiherye Yesu

3. Mpakeke matorokelo mwawaakuveya. Vaavaa munapaceryihaanyu ovaanela, muhaakeeleleke oloca pahiru mwaha yoowo nyuwaano mwaaryaanyuno mmuupuweloni woopaceryani. Mpaceryihe mulocaka vooloca sa echu yeeyo achu analocaaya hiihaano. Mwiikohe:

1. ‘Tiheeni enalociwa mu anotiisiya?’

2. ‘Tiheeni amwaacamani aka, asinthamwene ooxikola naari asinthamwene aka oomutekoni analocaaya?’

4. Mukhale oovareryela. Mwiikohe:

1. ‘Tiheeni muchu onapakeiye hiihaano? Tiheeni owo onuupuweleiye?’

2. ‘Tiheeni soowara sawe, okhala wawe naari empa awe, inooniheryaaya vooloca sa soororomela sawe naari sookhovelela?’

3. ‘Apwanne ela elukuluku yaphaama wi kivaanele ni muchu?’

5. Nwiriyane.

1. Muhiloceke vancipale.

2. Mmuceenyerye muchu owo wi aloceke. Wakhala waweemereryeya mpake makoho.