Mmuupuwele Mwaara a Loti

Ntakhara heeni Mwaara a Loti aaweha oculi echawaka o Sotoma? Piipiliya hanaloca mathoweene. (Map 19:17, 26) Wakhala wi noothokororya olopola yoola wa Yesu, nnahaala woona wi mwaara a Loti akhweya aateteiwale ni ichu seiho aahin’yeiye oculi. (Luka 17:31, 32) Nni nsepe hai oyeleela weemereryiwa ni Muluku hiiha ntoko mwaara a Loti enreiye? Hannaphwanela weemererya wi ichu soomwiilini ikhale va nipuro noopacerya mu okumi ahu. (Mat 6:33) Yesu oonihusiha ariki: “Himunawerya omulapa Muluku ni olapa musurukhu.” (Mat 6:24) Vano hanka wakhala wi nohoona wi ichu soomwiilini soopacerya onihiiha ophara miteko soomunepani? Nnaphwanela ovekela wa Yehova wi anivahe miruku wi nsuwele tiheeni nnaphwanelaahu otoroka ni olipa murima wi neereno yeeyo.

MOONE MAKUPA OORAARU A EXILEMA MMUUPUWELE MWAARA A LOTI, NAVE MWAAKHULE MAKOHO ANACHARELA:

• 

  Ti mwawiihai okhinyereryiwa okhalano ikhorowa sincipale waavolowenlaaya muupuwelo, masu ni saweera sa Koloriya?

• Ti mwawiihai yaweereya ya mwaara a Loti eryaaya yoolopola wa hiyaano olelo?

• Ti mwawiihai opharihela malakiheryo a Piipiliya yaamukhavihenryaaya Joni ni echoko awe?

• Asinthamwene a Ana omutekoni wawe yamvolowenle hai omunepani?

• Ntakhara heeni ti woochuneya okhala oolipa murima wakhala wi ninnakhinyereryiwa okuha muhakhu mu nipuro noopacerya mu okumi ahu?

• Ti mwawiihai Priani ni Koloriya yaakookenlaaya wanaawiili okuha ichu soomunepani mu nipuro noopacerya?

• Malakiheryo taani a Piipiliya anavuwihiwa va exilema yeela?