Mukhapelele Othela Wanyu

Yehova onoona nlakano na othela okhala echu etokweene nave owo olonce wi mulopwana ni muthiyana enaphwanela okhalihanaka phaama mukina ni mukhwaawe. (Mat 19:5, 6) Aakhalavo atheli ancipale oohakalala variyari va achu a Muluku. Nyenya, hiwaavovo othela ori woophaameya. Makacamiho ananwerya okhumelela variyari va atheli. Hinnaphwanela okhalano moonelo wa wunlaana wi omwalamwala ni omwalana onanwerya omaliha makacamiho. Mano atheli Eekristu eni ekhapelele hai othela waya?

Muthokororye ichu thanu soochuneya.

1. Mukhapelele murima anyu moorweela wa osepa ichu ntoko omooseelela muchu ohiri oothelana anyu ni mathatelo oocapaheya, yaawo pahiru yaahaala oananariha othela wanyu.—Mat 5:28; 2Ped 2:14.

2. Mulipihe onthamwene anyu ni Muluku, nave munnuwihe nchuno nanyu na omuhakalaliha yoowo mu othela wanyu.—Sal 97:10.

3. Mutitelele onwara muchu ahiihaano, ni weera ichu saphaama seiho sinahaala okhweiha okumi wa oothelana anyu.—Kol 3:8-10, 12-14.

4. Mutitelele ocicimihana, ni olocihana mwaphaama.—Kol 4:6.

5. Mwaakhwaniherye soochuna sa oothelana anyu moosivela ni moopwacha.—1Kor 7:3, 4; 10:24.

Vaavaa Akristu anacicimihaaya othela, awo annamucicimiha Yoole otikithenrye othela, Yehova.

MOONE EXILEMA NNAPHWANELA WI “NTXHIMAKE NI NTHÌTI”—WIIWELELA MALAKIHERYO A OCHIMAKA, NAVE MWAAKHULE MAKOHO ANACHARELA:

• 

  Naamwi othela orino mapacereryo aphaama, makacamiho taani eni ekhumelele?

• 

  Mmukhalelo taani malakiheryo a Mpiipiliyani eneeraaya yaakhaviherye yaale anoona wi osivela mu othela waya onnavukuwa?

• 

  Malakiheryo taani Yehova otikithenryeiye mu othela?

• Wi othela okhumelele phaama, tiheeni oopiili anaphwanelaaya weera?