Ti Mwawiihai Arokora Anaakhwaniheryaaya?

Arokora annakhaviherya vancipale muteko wa Omwene. (Sal 68:11) Awo anneeciha soohuserya sincipale sa Piipiliya nave mapiyoneero ookilaatheya ancipale arokora. Arokora ancipale anniilipixerya orumeela ntoko Mapetelita, mamissionaario, awiiveleela mmuteko wa oteka naari ookhaviherya, nave tho alipa ootaphulela. Arokora awiichwelavo omunepani annalipiha imusi ni miloko saya. (Masi 14:1) Naamwi arokora ehiweryaka orumeela ntoko atokweene naari arummwa oorumeela, awo ananwerya otikitherya soolakelela mmulokoni. Waakhanle wi mwa murokora, mmikhalelo taani muneeraanyu nwerye waakhwaniherya yeela?

• Munnuwihe mikhalelo saphaama Seekristu.—1Tim 3:11; 1Ped 3:3-6

• Mwaakhaviherye arokora mmulokoni yaawo ahirino mavyakelo mancipale. —Tito 2:3-5

• Mweererye omalihaka elukuluku yincipale mmuteko woolaleerya nave mukhale amavyakelo

• Muhuserye elocelo ekina

• Muthaamele weiwo oriwo othowa otokweene

• Mwiirehererye wi mwarumeele Opeteli naari okhaviherya mmuteko wa oteka mapuro a malapelo

• Mwiirehererye wi mvolowe mu Exikola ya Alaleeryi a Omwene

MOONE EXILEMA “ATHIYANA YAAWO ANALAPA MOOWETHA MWA APWIYA,” NAVE VOOCHARELA MWAAKHULE NIKOOHO NLA:

• Ti mwawiihai masu a murokora ti murokora anoolipihaayani?