YOOHUSERYA 11
Oloca Moolucuwa
ECHU YAWEERA: Mwaahakalalihe nave mwaaceenyerye oowiriyana anyu moorweela wa oloca moolucuwa.
MUKHALELO WA WEERANO:
● Mweerihe wi mwaha otannye toko murimaanyu. Elukuluku muniirehereryaanyu operekha mwaha, muupuwele mwawiiseela vooloca sa okhweleya wa muchaka anyu. Musuwele phaama mwaha anyu wi nwerye oloca orweela vamurimani.
● Nwuupuwele oowiriyana anyu. Muupuwelele waakhanle wi sooleeliherya munayaanyu waalakhanya naari ohusiha sinamwaakhaviherya akina. Mwaavyaavye mikhalelo sa operekha yooleeliherya yeeyo mmukhalelo oni oweerihe oowiriyana anyu othamalela.
● Muhikhale awuumaanyeya nto muloceke mootaphuwa. Muloce moolucuwela. Mpharihele ineneeryo moophwanelela ni sawooniherya sa ethoi anyu wi mooniherye muupuwelo anyu.
Mukhaleno ephoole wi muhiwaakanyerye oowiriyana anyu moorweela wa opharihela ineneeryo imohamoha ntoko yookhovelela. Mpakeke ineneeryo irino sootaphulela. Mooniherye olucuwa xaxaxa vaavaa munahusihaanyu mwaha wookhweleya ni waaceenyerya oowiriyana anyu weeravo echu. Muhaavelavelihe oowiriyana anyu moorweela wa okhala oolucuwaxa mmwaha anyu woothene.