Muhuserye ni Muupuwelo Woohuleya

Vaavaa nniirehereryaahu wi nihuserye, nnanwerya wiikoha ‘tiheeni kinaweheryaaka ohuserya?’ Nyenya, nnaphwanela osuwela wi, naamwi niweryaka ohuserya echu yammori, eyo henataphulela wi hisaawo ichu ivyaani seiho Yehova onachuneiye wi nihuserye. Nni neerihe hai muupuwelo ahu okhala woohuleya vaavaa nnahuseryaahu?

Mvekele mvekaka miruku. Mumveke Yehova wi ookhaviheryeeni wiiwexexa yeeyo owo onachuneiye wi nyuwaano muhuserye hiihaano. (Tiy. 1:5) Musepe ororomela pahiru wiiwexexa wanyu wakhalai.—Mas. 3:​5, 6.

Mucicimihe owerya omoharu wa Piipiliya. “masu a Muluku tookumi.” (Ahe. 4:12) “Masu” ookumi a Muluku ananwerya onivolowela mmukhalelo woohiyanahiyana vaavaa nnamwaalakhanyaahu Piipiliya—nyenya pahiru wakhala wi nri oohuleya wa yeeyo nnahaalaahu ohuserya naari ophura vaavaa nnaalakhanyaahu awo.

Muthamalele soothene seiyo Yehova onaphariheleiye wi anihusihe. Yoolya awe yoomunepani eri ntoko “yoolya yoosiva.” (Yes. 25:6) Hamunaphwanela osepa waalakhanya miyaha seiha muupuwelaka wi hamusiveliwakano ohuserya seiho. Nyuwaano munahaala weemererya wi Muluku ookhaviheryeeni okhala muchu aphaama, nave munahaala chiryene osiveliwaka ohuserya!