Mphurevo Orweela wa Ireferensiya Inakeriha mu Soorepa Ikina

Ireferensiya inakeriha mu soorepa ikina mu Tradução do Novo Mundo das Escrituras Sagradas sinnooniherya wi aakhalamo makupa oohiyanahiyana a Mpiipiliyani aniiwanana makina ni mukhwaaya moorweela wa othoonya soorepa ikina vooloca sa mwaha mmohamoha yoowo onavahererya sooleeliherya sincipale. Wi mphwanye ereferensiya enakeriha mu soorepa ikina, voopacerya mwaavye eleetra ekhaani eri mmakupa a masu. Wakhala wi munampharihela Piipiliya awimprimiiriwa, mwaavye eleetra emohamoha va yoochariha enaphwanyeya veeri va epaaxina wi mphwanye soorepa sawaaceererya. Mu jw.org naari mu aplikativo JW Library^®, mucapunye va eleetra yeeyo wi moone soorepa sa ereferensiya.

Ireferensiya inakeriha mu soorepa ikina inanwerya owiiwananihaani wa ipontu iha inacharela ni ikina:

Saweereya soolikana: Ereferensiya enanwerya wookerihaani mu yaweereya emohamoha mmwaha mu liivru mukina a Mpiipiliyani. Ntoko yootakiherya, moone 2 Samuwele 24:1 ni 1 Matharihelo 21:1.

Masu awuuluuleliwa: Ereferensiya ennooniherya weiwo yoorepa naari masu ekhummaayawo. Ntoko yootakiherya, moone Mateyu 4:4 ni Malamulo 8:3.

Sooloherya saakhwanenle: Ereferensiya enniiwananiha yooloherya ni waakhwanela waya. Ntoko yootakiherya, moone Mateyu 21:5 ni Sakariya 9:9.