Sinunö
ל [Lamed]
10 He Yehowa, hana wa ba zaröu mozizio ndraʼugö?
Hana wa öbiniʼö ndraʼugö ba ginötö waʼatosasama?+
2 Niha si lö sökhi, igohi niha sambö faʼabölö si fao fayawasa,+
Hizaʼi, alau ia ba dandrawa nifazökhinia samösa.+
3 Isuno ia sebua horö ba wangisö dödönia andrö+
Ba ifahowuʼö niha sebua fakhögusa;*
נ [Nun]
Lö ifosumange Yehowa.
4 Börö wayawasa, lö omasi niha si lö sökhi na aboto ba dödönia Lowalangi;
Imane, ”Lö hadöi Lowalangi.”+
5 Oi mofozu fefu nifaluania,+
Hizaʼi lö ikhamö fangera-ngerania gangetula huku andrö khöu;+
Iʼaohasi ba dödö zi faʼudu khönia.
פ [Pe]
7 Fahöna ba mbawania wangelifi, falimosa ba fametaʼu;+
Iʼafökhöiʼö dödö niha lelania ba ifobörö wangala.+
8 Itaro-tarogö ba zinga mbanua;
Moroi ba naha wamini, möi ia baero ba wamunu niha si lö sala.+
ע [Ayin]
Iʼalu-alui faoma hörönia gahulua si lö faʼabölö.+
9 Ibalo-baloi ba naha mbini-mbininia simane singo ba nahania.*+
Ibalo-baloi ba wondraʼu niha si lö faʼabölö.
Iraʼu niha si lö faʼabölö faoma saiwania.+
10 Afufu gahuluania ba terigawa;
Alau ba dangania* niha si tebai.
11 Imane tödönia, ”No olifu Lowalangi.+
No ibiniʼö mbawania.
Lö iʼameʼegö tödö.”+
ק [Qof]
12 Faoso yaʼugö Yehowa.+ Oroʼö dangamö, he Lowalangi.+
Böi olifugö niha si lö faʼabölö.+
13 Hana wa lö lafosumange Lowalangi ira niha si lö sökhi?
Imane tödönia, ”Lö ihuku ndraʼo Lowalangi.”
ר [Res]
14 Sindruhunia anehe ndraʼugö wamakao ba fangarö-ngarö.+
Öfaigi ba öfalua.+
ש [Syin]
15 Fatö daʼio niha si lö sökhi ba safaito,+
Ba ginötö öfareso waʼalösökhinia,
Ba lö saʼae hadöi nisöndramö.
16 Yehowa zi tobali Razo götö-götö waʼara.+
No tehori fefu soi ba gulidanö.+
ת [Taw]
17 Hizaʼi yaʼugö Yehowa,+ öfondrondrongo gangandröwa niha sangide-ngideʼö yaʼia.