Sinunö
BUKU SI LIMA
(Sinunö 107-150)
107 Miʼandrö saohagölö khö Yehowa börö me si sökhi tödö ia;+
Lö tebulö waʼomasinia si lö faröi sagötö faʼara.+
2 Akha lawaʼö daʼö ira niha niʼefaʼö* Yehowa,
Niʼefaʼönia moroi ba danga* nudu,+
3 Niʼozaragönia moroi ba ngawalö soi,+
Moroi ba gatumbukha ba moroi ba gaekhula,
Moroi yöu ba moroi raya.+
4 Laʼanöröi danö si mate, tanö si lö niha-niha;
Lö laʼila lala si numalö ba mbanua si tola laʼiagö.
5 Olofo ira ba owökhi dödöra;
Mate zagötö ira ba waʼamarase.
8 Akha lafaʼema wangandrö saohagölö khö Yehowa+ börö waʼomasinia si lö faröi
Awö nifaluania sahöli-höli dödö ba nono niha.+
9 Börö me no iʼokafui dödö zowökhi tödö
Ba iʼabusoiʼö zolofo faoma ngawalö zi sökhi.+
10 So zi toröi ba nahia fondrege zogömi-gömi,
Niha niʼoloiʼö ba si no murate.
11 Börö me no mamadaö ira ba wolawa taromali Lowalangi;
Lö laʼataʼufi mene-mene si otarai Wondrege Zalawa.+
12 Andrö wa itehegö tefakao ira enaʼö so khöra wangide-ngideʼö;+
Alabu ira ba lö hadöi sanolo.
13 Na tosasa ira ba laʼandrö wanolo khö Yehowa;
Ba iʼefaʼö ira moroi ba wamakao salua khöra.
14 Iheta ira moroi ba nahia fondrege zogömi-gömi,
Ba iʼetuʼö rate samöbö yaʼira.+
15 Akha lafaʼema wangandrö saohagölö khö Yehowa börö waʼomasinia si lö faröi+
Awö nifaluania sahöli-höli dödö ba nono niha.
16 Börö me no idudugö mbawandruhö tembaga
Ba no itaba mbaʼa-baʼa siʼöli.+
18 Taya waʼolofora;
Ba lafahatö ira ba mbawa göli waʼamate.
19 Na tosasa ira ba laʼandrö wanolo khö Yehowa;
Ba iʼefaʼö ira moroi ba wamakao salua khöra.
20 Ifaʼoheʼö wehedenia ba döhö ira,+
Teʼefaʼö ira ba dögi samaʼala yaʼira.
21 Akha lafaʼema wangandrö saohagölö khö Yehowa börö waʼomasinia si lö faröi
Awö nifaluania sahöli-höli dödö ba nono niha.
22 Akha labeʼe zumange fangandrö saohagölö+
Ba ladunö-dunö gamuatania si fao faʼowua-wua dödö.
23 Niha soloyo ba nasi faoma köfa,
Sogale ba dalu nasi sebolo,+
24 No laʼila nifalua Yehowa
Hegöi niwöwöi dangania sahöli-höli dödö ba nasi;+
25 Ba wehedenia manö, alua nangi sabölö-bölö,+
Irege modulu nasi ba mobade.
26 Möi miyawa niha soloyo ba nasi andrö irugi ba dalu mbanua,
Aefa daʼö aekhu ira si tou.
Taya waʼabaranira börö me so wamakao salua.
27 Mangole-ngolea ira hulö niha si mabu,
Ba lö moguna fefu waʼonekhera.+
28 Na tosasa ira ba laʼandrö wanolo khö Yehowa;+
Ba iʼefaʼö ira moroi ba wamakao salua khöra.
29 Ifahono nangi andrö;
Ba ahono mbade ba nasi.+
30 Omuso dödöra me ahono fefu,
Ba iʼohe ira ba labua göfa nikhamöra.
31 Akha lafaʼema wangandrö saohagölö khö Yehowa börö waʼomasinia si lö faröi
Awö nifaluania sahöli-höli dödö ba nono niha.+
32 Yalasuno ia ba gangowuloa niha sato,+
Ba yalasuno ia ba zowulo ira sondröniaʼö.
33 Ibaliʼö tanö si mate nungo nidanö
Ba umbu nidanö tobali tanö si lö niha-niha,+
34 Tanö satabö sinanö tobali tanö si mate,+
Börö waʼalösökhi niha si toröi ba daʼö.
35 Tanö si mate ibaliʼö baʼa nidanö,
Ba tanö soköli tobali umbu nidanö.+
38 Ifahowuʼö ira irege monönö waʼatora;
Lö itehegö alö waʼoya guriföra.+
39 Hizaʼi, ifuli alö waʼatora ba teʼailasi ira
Börö wamakao, fangabu dödö ba faʼalangu dödö.
40 Iʼailasi ndra tuhenöri
Ba ilulu ira ba woʼanöröi tanö si mate si lö lua-lua.+
41 Hizaʼi, ilumöʼö* niha si numana moroi ba wamakao+
Ba monönö waʼato nösi nomora ibeʼe simane faʼoya mbiri-biri.