Sinunö
Khö zondröniaʼö sinunö: Lala note Seminiti.* Sinunö Dawido.
12 He Yehowa, efaʼö ndraʼo börö me no tehori niha si lö faröi;
No taya fefu niha si tola mufaduhusi tödö ba gulidanö.
3 Iduhö Yehowa fefu mbawa niha somasi manuno
Ba itaba lela si fayawa,+
4 Niha sangumaʼö, ”Börö lelama wa mofozu ndraʼaga.
Tola mawaʼö-waʼö manö zomasi dödöma;
Haniha zi tola mamatörö yaʼaga?”+
5 Imane Yehowa, ”Börö me lafakao niha si göna abula dödö,
Börö wangarö-ngarö niha si numana,+
Hasambalö ufazawa ndraʼo.
Uʼefaʼö ira ba danga niha samakao yaʼira.”
6 Fehede Yehowa andrö ohau-hau,+
Hulö wirö nitunu ba galitö nifedadao bowoa tanö, mewitu kali mukhozi.
7 Yaʼugö Yehowa zondrorogö yaʼira;+
Ölumöʼö ira zamösana moroi ba ngaʼötö si lö sökhi andre irugi zi lö aetu.
8 Niha si lö sökhi, laʼanöröi gulidanö ba zomasi-masi dödöra
Börö me lazuno-zuno waʼalösökhi andrö niha gulidanö.+