Sinunö
Sinunö Dawido.
3 Fazawa dohomö awö wato ba wolawa niha solohi yaʼo.+
Waʼö khögu, ”Yaʼo Zangefaʼö yaʼugö.”+
4 Yateʼailasi ba tehöndrögö niha sedöna mamunu yaʼo.+
Yamangawuli furi niha sangosara ba wangohori yaʼo ba teʼailasi ira.
5 Yahulö guliho niʼoloiʼö nangi ira;
Yaʼifofanö ira malaʼika Yehowa.+
6 Yaʼogömi-gömi ba aelo lalara
Ba ginötö igohi ira malaʼika Yehowa.
7 Börö me lalau guʼö ba zi lö börö ba wamaʼala yaʼo;
Lakhao dögi ba zi lö börö ba wondraʼu yaʼo.
8 Yagöna ira famakao ba zi lö mudöna-döna;
Yaʼalau ira ba guʼö si no lafazökhi;
Yaʼalau ira ba daʼö ba mate.+
9 Hizaʼi, owua-wua dödögu börö Yehowa;
Omuso dödögu me no iʼefaʼö ndraʼo.
10 Soroi ba dödögu umane,
”He Yehowa, haniha zimane yaʼugö?
11 Möi ndra samaduhuʼö si lö sökhi ba wolawa yaʼo,+
Lafobahulu ndraʼo ba zi lö uʼila balö.
12 Lasulöni waʼasökhigu faoma si lö sökhi,+
Irege abu sibai dödögu.
13 Na mofökhö ira, ba ufake nukha goni;
Mangide-ngideʼö ndraʼo ba ulau fuasö,
Ba na lö tefondrondrongo wangandrögu,*
14 Ufangörö-ngörö ndraʼo, abu dödögu simane na mate zi fahuwu khögu mazui talifusögu;
Ufatugu ndraʼo ba waʼabu dödö simane si taya ina.
15 Hizaʼi, na alabu ndraʼo ba omuso dödöra ba owulo ira;
Owulo ira ba wamaʼuʼu yaʼo ba zi lö udöna-döna;
Lasasawi ndraʼo ba lö laböhöli wangobousi yaʼo.
17 He Yehowa, hawaʼara öfaigi-faigi manö nasa?+
18 Uʼandrö khöu saohagölö ba gotalua nono mbanuamö sato;+
Usuno ndraʼugö ba gotalua niha soya.
19 Laʼuduni ndraʼo ba zi lö börö.+ Böi tehegö khöra wangailasi yaʼo;
Fatiu dödö niha khögu lö börö. Böi tehegö khöra wangoʼaya yaʼo.*+
20 Lö lafadunö-dunö waʼatulö,
Hizaʼi laʼalui dandrawa niha sangodödögö faʼatulö.+
21 No lafaboka mbawara ba wamobahulu yaʼo.
Lamane, ”Baga daʼö! No maʼila.”
22 He Yehowa, no anehe ndraʼugö. Böi lau zi lö hede-hede.+
He Yehowa, böi aröuʼö ndraʼugö khögu.+
23 Faoso ba oʼawögö ndraʼo,
He Lowalangigu Yehowa, faʼawö khögu me no laʼangadugö ndraʼo.
24 He Yehowa Lowalangigu, huku ndraʼo moloʼö faʼatulömö;+
Böi tehegö khöra wangoʼaya yaʼo.
25 Böi tehegö lamane tödöra, ”Baga daʼö! No masöndra zomasi ndraʼaga.”
Böi tehegö khöra wangumaʼö, ”No mahori ia.”+
26 Yateʼailasi ba teʼoʼaya niha saʼiki ba gabula dödögu.
Yateʼailasi ba tehöndrögö niha si fayawa ba khögu.
27 Hizaʼi, yaʼowua-wua dödö niha somuso tödö börö me atulö ndraʼo;
Yalölaböhöli wangumaʼö,
”Yateʼalawaʼö Yehowa, somuso tödö ba waʼatulö genoninia.”+