Sinunö

Khö zondröniaʼö sinunö. Sinunö ngaʼötö Gora.+ Sambua sinunö.

47 He yaʼami ngawalö soi, mibözi dawo-tawo.

Miʼomusoiʼö dödömi ba wanuno Lowalangi.

2 Sindruhu wa sahöli-höli dödö Yehowa Fondrege Zalawa;+

Yaʼia Razo solakhömi ba zi sagörö ulidanö.+

3 Mangalulu khöda ngawalö soi ibeʼe;

Ba kala ira ba narö gaheda.+

4 No itatugöi khöda gondröita,+

Nihöni Yakobo, niha niʼomasiʼönia.+ (Sela)

5 No möi miyawa Lowalangi si fao faʼomuso dödö;

Möi miyawa Yehowa si fao li dorofe nifazökhi moroi ba dandru.

6 Miʼanunöisi zinunö ba wanuno* Lowalangi, miʼanunöisi zinunö.

Miʼanunöisi zinunö ba wanuno Razoda, miʼanunöisi zinunö.

7 Börö me Lowalangi andrö Razo ba zi sagörö ulidanö;+

Miʼanunöisi zinunö ba wanuno yaʼia ba miforomaʼö waʼatua-tua.

8 Lowalangi zi tobali Razo ba soi misa.+

Modadao Lowalangi ba dadaomania niʼamoniʼö.

9 No owulo fefu zondröniaʼö ngawalö soi

Fao ira ba nono mbanua Lowalangi Gaberahamo.

Okhöta Lowalangi fefu zamatörö* ba gulidanö.

Yaʼia wondrege zalawa.+