Sinunö
Khö zondröniaʼö sinunö: Niʼanunöisi faoma fakake zinunö nifosinali. Sinunö Gasafo.+ Sambua sinunö.
3 Ba daʼö ifatö wana soʼalitö,
Baluse, föda hegöi fangöna ba wasuwöta.+ (Sela)
4 No mohaga ndraʼugö;*
Abölö molakhömi ndraʼugö moroi ba hili-hili nahia worabu.
5 No larabu niha si lö faʼataʼu.
6 Si fakureta awö kudonia no ahori mörö ba waʼamate
Börö me öfetaʼu ira yaʼugö Lowalangi Yakobo.+
7 Ha yaʼugö wondrege zabölö.+
Haniha zi tola manaha fönumö?+
8 Öfatunö gangetula huku andrö khöu moroi ba mbanua si yawa;+
Ataʼu gulidanö ba ahono+
9 Na ihalö gangetula Lowalangi ba wanguhuku ulidanö
Ba iʼorifi fefu zadölö tödö ba gulidanö.+ (Sela)
10 Fönu niha andrö ba tobali fanuno khöu;+
Ba zi toröi wönura, öfolakhömi ndraʼugö.
11 Mifawuʼu li khö Yehowa ba mifalua.+
Enaʼö fefu zi so ba zi fasuinia laʼohe khönia mbuala si fao sumange.+
12 Iʼailasi ndra sondröniaʼö sebua faʼasiliyawa;
Ba agataʼu ibeʼe razo-razo.