Yesaya
13 Daʼa duria fanguhuku niʼila Yesaya+ ono Gamosi ba gangilatania sanandrösa ba Mbabilona:+
2 ”Fazawa dandra*+ ba hili si lö duʼu.
Kaoni ira ba fazawa dangau,
Enaʼö tola möi ira bakha ba mbawandruhö ndra tuhenöri.
3 No ubeʼe fareta ba niha si no ufili.*+
No ukaoni ndra saradadugu ba wamaʼema fönugu,
Ono mbanuagu sowua-wua tödö ba somuso tödö.
4 Mifondrondrongo! So höngö-höngö ba hili;
Hulö li niha sato!
Mifondrondrongo! So waʼafawuka ba gödo razo,
Ba ngawalö soi sowulo!+
Yehowa andrö samatörö saradadu zorugo, iʼowuloi ndra saradadu weʼamöi manuwö.+
5 Iʼotarai ba danö saröu,+
Iʼotarai mbalö mbanua si yawa irugi mbalö faföfö,
Tohare Yehowa hegöi fangöna niʼogunaʼönia ba wamalua fönunia
Ba wamakiko ulidanö maʼasagörö.+
6 Miduhugö weʼe börö me no ahatö ngaluo Yehowa andrö!
Daʼö dania wamakiko nifalua Wondrege Zabölö.+
7 Daʼö mbörö wa adada fefu danga,
Ba oi zara manizi dödö niha.+
8 Tokea fefu niha.+
Ihawui ira sihulu ba faʼafökhö sabölö-bölö,
Hulö ndra alawe soʼono.
Faoma latöngö nawöra si fao faʼataʼu,
No oyo mbawara börö wamakao.
9 Hiza! Tohare ngaluo Yehowa,
Ngaluo si lö sökhi, safönu faʼabao dödö ba fönu sebua,
Ba wombaliʼö nahia sataʼu ita danö andrö,+
Hegöi ba wangohori niha samalua horö.
10 Lö mohaga ndröfi ba dalu mbanua
Ba ginötö tumbu luo, alua waʼogömi,
Ba lö saʼae mohaga mbaŵa.
11 Uhuku niha gulidanö börö waʼalösökhira,+
Ba niha si lö sökhi börö zala nifaluara.
Uheta waʼasiliyawa niha samalua somasi-masi dödöra.
Uhöndrögö wayawasa niha si lö sökhi.+
12 Uʼalui lala enaʼö abölö abua ba wamalukhaisi niha moroi ba ganaʼa si sökhi si no mufatörö ba galitö,+
Abölö abua moroi ba wanöndra anaʼa Gofiri.+
13 Daʼö mbörö wa ufaheu mbanua si yawa,
Modögö danö ba tewuʼa ia moroi ba nahiania+
Börö waʼabao dödö Yehowa samatörö saradadu zorugo ba ginötö alua wönunia sabölö-bölö.
14 Fefu niha mangawuli ira ba soira,
Ba moloi ira ba mbanuara samösa,
Hulö simane nago nigohi ba hulö mbiri-biri si lö kubalo.+
15 Mufahö dania niha nisöndra,
Si mate ba wöda dania niha si no muraʼu.+
18 Ba labunu dania ndraono matua faoma fana nifosinali khöra;+
Lö khöra faʼahakhö dödö
Mazui faʼasökhi dödö ba ndraono.
19 Simane me ifakiko Lowalangi Zodoma awö Gomora,+
Simane daʼö göi zalua dania ba Mbabilona, si no tobali lakhömi* moroi ba ngawalö wamatörö,+
Si no tobali faʼasökhi ba faʼomuso dödö niha Galedaia.+
Lö lafasindro nosera ba daʼö ira niha Garabi,
Ba lö laʼohe mbiri-birira ira kubalo enaʼö molombase.
21 Utu ndruʼu zi mörö ba daʼö;
Ba afönu dania nomora lamuhu.
22 Mukau dania gurifö ba maligenia;
Mukau nasu gatua ba gödonia si sökhi.
No ahatö ginötö khö Mbabilona, ba lö ara tö ginötö nitehe khönia.”+