Yesaya

18 Alai mbanua safönu li hama si hombo-hombo

Ba gamaudu nungo nidanö Gaitiofia!+

 2 Ifatenge denge-tengenia soi daʼö, ifatörö ira ba nasi,

Latörö dundraha nifazökhi moroi ba döla zukhu,* imane:

”Miʼofanö yaʼami tenge-tenge sagalio,

Miʼae ba soi sagalawa niha ba safusi uli,

Soi niʼataʼufi gofu hezo,+

Sabölö ba sokalaisi* soi böʼö,

Si no ahani mbanuania börö nungo nidanö.”

 3 Fefu nono mbanua awö zi onahia ba gulidanö,

Miʼila dania zi hulö dandra nifazawa ba hili,

Ba mirongo li si hulö li dorofe nifazökhi moroi ba dandru.

”Lö tebulö uhonogö ndraʼo ba ufaigi ba* nahiagu saro,

Hulö waʼaukhu zino si riri-riri,

Hulö zau na mamasi ba mbaŵa lökhö.

 5 Fatua lö irugi baŵa wamasi,

Ba ginötö mamoka mbowo nagu ba arakhagö asoso,

Lataba liwiönia faoma rosö fanaba;

Ba lataba ndrahania ba latiboʼö.

 6 Muröi fefu daʼö tobali ö wofo si manga nagole moroi ba hili

Ba ö gurifö ba gulidanö.

Fofo segebua dania zi möi ba daʼö na irugi baŵa lökhö,

Ba fefu gurifö si so ba gulidanö, möi ira ba daʼö na baŵa wamasi.

 7 Ba ginötö daʼö, teʼohe mbuala khö Yehowa samatörö saradadu zorugo,

Moroi ba ngawalö soi sagalawa niha ba safusi uli,

Soi niʼataʼufi gofu hezo,

Sabölö ba sokalaisi* soi böʼö,

Si no ahani mbanuania börö nungo nidanö.