Yesaya
38 Samuza maʼökhö, mofökhö Hizikia ba arakhagö mate ia.+ Andrö wa möi khönia Yesaya samaʼeleʼö+ ono Gamosi imane, ”Daʼa niwaʼö Yehowa: ’Beʼe wanuturu lala ba nösi nomou, börö me hasambalö mate ndraʼugö. Lö tola döhö wökhöu.’”+ 2 Iʼotahögö dowa Hizikia ba mangandrö ia khö Yehowa, 3 ”He Yehowa, uʼandrö khöu, törö tödöu+ hewisa waʼalöfaröigu ba woloʼö lala andrö khöu soroi ba dödö,+ ba no ufalua zatulö fönau.” Ba iduhugö wege-ege Hizikia.
4 Aefa daʼö imane Yehowa khö Yesaya, 5 ”Fuliʼö, ba waʼö khö Hizikia,+ ’Daʼa niwaʼö Yehowa, Lowalangi duau Dawido: ”No ufondrondrongo wangandröu+ ba no uʼila nidanö höröu.+ Unönö 15 fakhe tö waʼanau nosou,+ 6 ba uʼefaʼö ndraʼugö hegöi banua andre moroi ba danga razo Asiria. Hasambalö urorogö mbanua daʼa.+ 7 Daʼa dandra nibeʼe Yehowa wa hasambalö ifalua Yehowa hadia zi no iwaʼö:+ 8 Uwuwu furi lumö nora* Gahasi andrö fulu bosi.”’” Ba awuwu furi lumö andrö fulu bosi.+
9 Daʼa nisura Hizikia razo Yehuda me mofökhö ia hegöi me döhö wökhönia:
10 Umane, ”Me lö salawa nasa ndröfigu,
Möido ba mbawa Lewatö.*
Laheta khögu zi toröi ndröfigu.”
11 Umane, ”Lö saʼae uʼila Yehowa,* lö saʼae uʼila Yehowa* ba mbanua niha sauri.+
Lö saʼae uʼila niha gulidanö
Börö me faodo ba mbanua niha si no mate.
12 Hulö nose sozago mbiri-biri nahiagu waʼatoröi,+
Si no mududugö ba si no muʼoloiʼö.
Hulö tuka zanoso, uköröbui waʼaurigu;
Lataba ndraʼo simane bana ba nahia wanoso nukha.
Arara manö aetu nosogu, iʼotarai ba zi maʼökhö irugi zi bongi.+
13 Uhonogö dödögu irugi sihulö wongi.
Simane singo, irasa dölagu;
Arara manö aetu nosogu, iʼotarai ba zi maʼökhö irugi zi bongi.+
Marase hörögu ba wamaigi nahia salawa,+
’He Yehowa, sindruhu-ndruhu wa tefakao sibai ndraʼo;
15 Hadia zi tola uwaʼö?
No fahuhuo ia khögu ba ifalua zi no iwaʼö.
Sandrohu faʼaurigu, uforomaʼö wangide-ngideʼö,*
Börö wamakao salua khögu.
16 He Yehowa, börö daʼö* wa auri zi samösa niha,
Börö daʼö wa mohanu-hanu ndraʼo.
Öfadöhö dania ndraʼo ba örorogö waʼaurigu.+
17 No tobali famakao waʼohahau dödö andrö;
Hizaʼi börö waʼomasiu khögu,
Öʼefaʼö ndraʼo ba goho-koho famakiko.+
No öbeʼe furiu fefu horö si no ufalua.*+
Niha si so barö danö, tebai saʼae latötöna waʼalöfaröimö.+
19 Ha niha sauri zi tola manuno yaʼugö,
Simane nifaluagu ba zi maʼökhö andre.
Tola ifahaʼö nononia si samösa ama sanandrösa ba waʼalöfaröimö.+
20 He Yehowa, orifi ndraʼo,
Maʼanunöisi dania zinunö si fao fakake zinunö nifosinali+
Sandrohu faʼaurima ba nomo Yehowa.’”+
21 Aefa daʼö imane Yesaya, ”Halö mbua ara soköli si no mugili ba fagule ba waosa andrö, enaʼö döhö ia.”+ 22 Fatua lö daʼö, manofu Hizikia, ”Hadia dandra wa möido ba nomo Yehowa?”+