Mikha
Ba tefasindro ia ba zuzu hili fondrege zalawa,
Teʼalawaʼö ia yawa hili-hili andrö maʼafefu;
Dozi niha möi ira ba daʼö.+
2 Oya soi si möi ba daʼö ba lamane,
”Aine, möi ita ba hili Yehowa,
Ba nomo Lowalangi Yakobo.+
Ifahaʼö ita lala andrö khönia,
Ba tatörö lala nibeʼenia.”
Moroi ba Ziona iʼotarai huku,*
Ba moroi ba Yeruzalema iʼotarai taromali Yehowa.
3 Yaʼia zi tobali sanguhuku ba gotalua niha sato+
Iʼasiwai gamadöniwa ba ngawalö soi sabölö, si so ba mbanua saröu.
Labaliʼö faku ziʼölira
Ba labaliʼö sabi dohora.+
Lö hadöi soi sanuyu föda ba wolawa soi böʼö,
Ba lö saʼae lafomaha ira fasuwö.+
4 Dozi niha modadao* ira ba lumö nagu khöra zamösana hegöi ba lumö geu ara;+
Lö hadöi sametaʼu yaʼira,+
Börö me Yehowa samatörö saradadu zorugo zangumaʼö daʼö.
5 Dozi niha laʼoʼö lowalangira* zamösana,
Hizaʼi na yaʼaga, maʼoʼö Yehowa Lowalangima*+ götö-götö waʼara.
6 Imane Yehowa, ”Ba luo daʼö,
Uʼowuloi soi sakela-kela andrö,
Soi si no muzawili,+
Hegöi niha si no uhuku.
7 Uʼorifi niha si toröi moroi ba soi sakela-kela andrö,+
Ba ubaliʼö soi sabölö dania soi si no mufazaewe ba nahia saröu.+
Mamatörö Yehowa tobali razo khöra ba Hili Ziona,
Iʼotarai iadaʼa irugi zi lö aetu.
8 Ba yaʼugö, malige ngawawa mbiri-biri,
Hili-hili mbanua Ziona,+
Mangawuli khöu wamatörö niʼokhögöu me mböröta,*+
Yaʼia daʼö famatörö niʼokhögö niha Yeruzalema.+
9 Hana wa ebua liu weʼao?
Hadia lö hadöi razomö,
Mazui no mate zoʼamenesi yaʼugö,
Irege örasoi waʼafökhö simane ira alawe soʼono?+
10 He yaʼami ono mbanua Ziona, miʼangarö-ngarö ba miʼoʼao,
Simane ira alawe soʼono,
Börö me aheta ami ba mbanua daʼa ba toröi ami ba mbenua.
Ba daʼö ifuli iʼöli ami Yehowa moroi ba danga nudumi.+
11 Iadaʼa, oya soi sowulo ba wolawa yaʼami.
Ba lamane, ’Akha teʼailasi Ziona,
Ba akha maʼila hewisa zalua andrö khönia.’
12 Hizaʼi, lö laʼila wangera-ngera Yehowa,
Ba lö aboto ba dödöra gohitö dödönia.*
Iʼowuloi ira simane bua nowi niʼowuloi ba naha wamöbörö.
13 He yaʼami banua Ziona, mifaoso ba miʼamöbörö,+
Börö me ubaliʼö siʼöli dandrumi,
Ba ubaliʼö tembaga zaʼami.
Oya dania soi nidudugömi.+
Fefu hare nisöndrara ba walimosa mitouʼö daʼö khö Yehowa,
Ba mibeʼe haratora khö Lowalangi sindruhu, samatörö banua si yawa awö danö.”+