• Sinunö 14:1-7
    Buku Niʼamoniʼö Famoʼeluaha Gulidanö si Bohou

    • 14 Imane tödönia niha si bodo,*

      ”Lö hadöi Yehowa.”+

      Lö sökhi nifaluara, ba sogoro niha mbua-buara;

      Samösa lö hadöi samalua si sökhi.+

       2 Inehe-nehegö moroi ba zorugo nono niha Yehowa

      Ba wamaigi hadia so zangokhögö faʼaboto ba dödö ba hadia so zangalui Yehowa.+

       3 No laholeʼö ira moroi ba lala satulö;+

      Fagölö-gölö waʼalösökhira.

      Lö hadöi samalua satulö,

      Samösa löʼö.

       4 Hana wa lö irai so waʼaboto ba dödö ba niha si lö sökhi?

      Lafanölö roti wemanga ono mbanuagu.

      Lö muʼao ira khö Yehowa.

       5 Hizaʼi ihawui ira faʼataʼu,+

      Börö me Yehowa zi fao ba ngaʼötö niha satulö.

       6 Yaʼami niha si lö sökhi, mitandraigö wamakiko niʼera-era niha si numana,

      Hizaʼi Yehowa zolumöʼö yaʼia.+

       7 Yatohare wangefa ba ndraono Gizaraʼeli moroi ba Ziona!+

      Ba ginötö iʼowuloi Yehowa nono mbanuania si no teʼoloiʼö,

      Yaʼomuso dödö Yakobo ba yaʼowua-wua dödö Gizaraʼeli!