• Sinunö 53:superskripsi-6
    Buku Niʼamoniʼö Famoʼeluaha Gulidanö si Bohou

    • Khö zondröniaʼö sinunö: Mufaudugö notenia ba Mahalata.* Masikili.* Sinunö Dawido.

      53 Imane tödönia niha si bodo,*

      ”Lö hadöi Yehowa.”+

      Lö atulö nifaluara, lö sökhi ba sogoro niha mbua-buara;

      Samösa lö hadöi samalua si sökhi.+

       2 Inehe-nehegö moroi ba zorugo nono niha Lowalangi+

      Ba wamaigi hadia so zangokhögö faʼaboto ba dödö ba hadia so zangalui Yehowa.+

       3 No ahori elungu ira fefu;

      Fagölö-gölö waʼalösökhira.

      Samösa lö hadöi samalua si sökhi,

      Samösa löʼö.+

       4 Hana wa lö irai so waʼaboto ba dödö ba niha si lö sökhi?

      Lafanölö roti wemanga ono mbanuagu.

      Lö muʼao ira khö Yehowa.+

       5 Hizaʼi, ihawui ira faʼataʼu,

      Faʼataʼu si lö irai larasoi,*

      Börö me Lowalangi dania zamazawili töla niha sanuwö* yaʼugö.

      Öʼailasi ira börö me no itimbagö ira Yehowa.

       6 Yatohare wangefa ba ndraono Gizaraʼeli moroi ba Ziona!+

      Ba ginötö iʼowuloi Yehowa nono mbanuania si no teʼoloiʼö,

      Yaʼomuso dödö Yakobo ba yaʼowua-wua dödö Gizaraʼeli.