Dua Fetero
1 Moroi khö Zimoni Fetero, sawuyu ba sinenge Yesu Keriso, nifaʼema ba niha sangokhögö famati sebua böli simane niʼokhögöma börö waʼatulö Lowalangi hegöi Yesu Keriso Sangorifi yaʼita.
2 Yafahöna khömi waʼasökhi dödö sebua* ba faʼohahau dödö börö me miʼokhögö waʼaboto ba dödö si tefaudu+ sanandrösa khö Lowalangi hegöi khö Zoʼaya yaʼita Yesu. 3 Iʼamualagö waʼabölönia Lowalangi ba wameʼe khöda fefu hadia ia niʼogunaʼöda ba wamosumange Lowalangi soroi ba dödö, me no taʼokhögö waʼaboto ba dödö si tefaudu sanandrösa khö Lowalangi sogaoni yaʼita+ börö lakhömi hegöi faʼasökhi dödönia. 4 Börö daʼö, no iʼamualagö khöda mbuʼusa li sebua böli ba sahöli-höli dödö+ enaʼö fao ami khönia ba wanema lakhömi tobali boto eheha,+ me no miheta ami moroi ba waʼalösökhi gulidanö andre si tumbu moroi ba wangisö si fasala.
5 Börö daʼö, baero wangokhögö famati, miʼodödögö+ wamalua faʼasökhi dödö.+ Baero waʼasökhi dödö, faʼaboto ba dödö.+ 6 Baero waʼaboto ba dödö, fanaha tödö.+ Baero wanaha tödö, faʼanau gölö. Baero waʼanau gölö, famosumange Lowalangi soroi ba dödö.+ 7 Baero wamosumange Lowalangi soroi ba dödö, fangomasiʼö talifusö. Baero wangomasiʼö talifusö, faʼomasi.+ 8 Na miʼokhögö fefu gamuata daʼö ba waʼaurimi, miʼogunaʼö waʼaboto ba dödö si tefaudu sanandrösa khö Zoʼaya yaʼita Yesu Keriso irege lö areu mazui lö mowua ami.+
9 Niha sauʼa zi lö ahori mangokhögö amuata daʼö, no ibalugö hörönia moroi ba haga,*+ olifu ia wa no teʼefaʼö horönia+ ba zilalö. 10 Yaʼami ira talifusö, miforege enaʼö lö tebulö wa niha nikaoni+ ba nituyu ami. Na miforege wamalua daʼö, lö teʼala ami.+ 11 Na mifalua daʼö, fahöna wamahowuʼö yaʼami, yaʼia daʼö tefaʼamöi ami ba Wamatörö+ si lö tebulö khö Zoʼaya yaʼita Yesu Keriso ba Sangorifi yaʼita.+
12 Daʼö mbörö wa lö tebulö ufasugi ba dödömi daʼa, hewaʼae no miʼila ba aro ami ba zindruhu si no miʼokhögö. 13 Hizaʼi, hasambalö ufasugi ba dödömi+ gasa-gasa weʼasogu ba mboto tanö* andre,+ 14 börö me no iʼombakhaʼö Soʼaya yaʼita Yesu Keriso wa lö ara tö aheta khögu mboto tanö.*+ 15 Uʼodödögö sibai, enaʼö tola mitörö tödömi fefu daʼö na no mofanödo.
16 Maʼombakhaʼö khömi waʼabölö hegöi faʼatohare Zoʼaya yaʼita Yesu Keriso, tenga ha huo-huo si lö atulö nifakhai niha gulidanö. Yaʼaga sa zamaduhuʼö faʼabölönia andrö.+ 17 No itema zumange ba lakhömi moroi khö Namada Lowalangi, me tefaʼema wehede daʼa khönia moroi ba lakhömi Lowalangi, ”Onogu daʼa, niʼomasiʼögu, omuso dödögu khönia.”+ 18 No marongo wehede daʼö moroi ba mbanua si yawa me faoga khönia ba hili niʼamoniʼö.
19 Börö daʼö, itugu faduhu dödöma ba li zamaʼeleʼö andrö. Sökhi sibai me miʼameʼegö tödö wehede andrö si no amaedola wandru+ sohaga ba zogömi-gömi ba dödömi,+ irege moluo ba tumbu madala. 20 No aboto ba dödömi wa tenga moroi ba gera-era niha fefu wamaʼeleʼö nisura ba Mbuku Niʼamoniʼö. 21 Lö irai mufaʼema wamaʼeleʼö moloʼö somasi dödö niha.+ Hizaʼi, hadia zi otarai khö Lowalangi daʼö nifaʼema niha börö me eheha niʼamoniʼö zameʼe ba dödöra.+