Sara Tesalonika
5 He yaʼami ira talifusö, sanandrösa ba mbaŵa hegöi inötö, lö hadöi sinangea masura khömi. 2 No aboto ba dödömi hulö weʼaso zanagö ba zi bongi+ na tohare dania ngaluo Yehowa.*+ 3 Na lawaʼö dania, ”No atulö, no ahono!” izumaigö ikhamö ira faʼatekiko andrö ba zi lö mudöna-döna+ hulö waʼafökhö nirasoi ndra alawe sanabina si lö ara tö moʼono, ba tebai aefa ira. 4 Hizaʼi yaʼami ira talifusö, tenga ba zogömi-gömi so ami. Na tohare ngaluo daʼö dania, lö tokea ami simane faʼatokea zanagö me iʼila no moluo, 5 börö me ono haga ami fefu ba ono zi maʼökhö.+ Tenga ba zi bongi so ita mazui ba zogömi-gömi.+
6 Andrö böi mörö ita simane tanö böʼö,+ hizaʼi si maoso ita+ ba mangelama.+ 7 Si toʼölönia ba zi bongi mörö niha, ba samadu tuo ba zi bongi mabu ia.+ 8 Börö me ono zi maʼökhö ita, böi taböhöli wangogunaʼö baru siʼöli* yaʼia daʼö famati ba faʼomasi, simanö göi dakula ba högö yaʼia daʼö tötönafö ba wangorifi,+ 9 börö me no ifili ita Lowalangi tenga enaʼö tatema wanguhukunia, hizaʼi ba wanema fangorifi+ ba khö Zoʼaya yaʼita Yesu Keriso. 10 No mate ia salahida,+ irege lö tebulö fao ita khönia, he sauri hegöi si mate.*+ 11 Börö daʼö, böi miböhöli wangaʼaroʼö hegöi ba wamarou tödö*+ simane si no mifalua.
12 Maʼandrö khömi ira talifusö, enaʼö mifosumange niha serege tödö ba gotaluami, sondröniaʼö yaʼami ba wangai halöwö khö Zoʼaya ba sameʼe khömi mene-mene. 13 Miforomaʼö wa sindruhu-ndruhu miʼomasiʼö ba mifosumange ira börö halöwö nifaluara.+ Miʼodödögö enaʼö lö tebulö so khömi waʼatulö.+ 14 Maʼandrö khömi ira talifusö, mifangelama* niha si lö moloʼö,*+ mirara dödö niha sabu tödö,* mitolo niha sambö faʼabölö, ba mibologö dödömi ba niha fefu.+ 15 Böi so zanulöni si lö sökhi awönia si lö sökhi gofu haʼökhö.+ Hizaʼi, mifalua zi sökhi ba zi sara lala wamati khömi hegöi ba niha fefu.+
16 Böi mamalö-malö waʼomuso dödömi.+ 17 Böi miböhöli wangandrö.+ 18 Miʼandrö saohagölö ba ngawalö hadia ia.+ Daʼö niʼandrö Lowalangi khömi yaʼami soloʼö Keriso Yesu. 19 Böi mibunu waʼabölö geheha niʼamoniʼö.+ 20 Böi miʼaohasi ba dödö zi no mufaʼeleʼö.+ 21 Haogö fareso fefu hadia ia,+ faigi hezo zindruhu ba daʼö falua. 22 Böi falua gofu hadia ia zi lö sökhi.+
23 Yateʼamoniʼö ami ibeʼe Lowalangi waʼatulö, yalömosinegu mbotomi, nosomi,* awö gehehami na tohare dania Zoʼaya yaʼita Yesu Keriso.+ 24 Lö faröi zogaoni yaʼami, hasambalö ifalua.
25 Yaʼami ira talifusö, böi miböhöli wangandrö salahima.+
26 Mihaogö wanemaʼö awömi zamösana.
27 Uʼandrö khömi ba döi Zoʼaya, enaʼö mibaso zura daʼa föna ndra talifusöda fefu.+
28 Yafao khömi waʼasökhi dödö sebua* moroi khö Zoʼaya yaʼita Yesu Keriso.