Sinunö

37 Böi aukhu dödöu* ba niha si lö sökhi

Mazui afökhö dödöu ba niha samalua si lö atulö.+

 2 Lö ara tö ba aleu ira simane duʼu,+

Ba lakiritö simane duʼu ba danö.

 3 Faduhusi tödö Yehowa ba falua zi sökhi;+

Ba iagö danö* ba böi faröi.+

 4 Baliʼö umbu waʼomuso dödö sebua khöu Yehowa,

Ba ibeʼe dania zomasi dödöu.

 5 Beʼe balazi* Yehowa nitörömö andrö;+

Odaligö ia ba yaʼia zamaigi lala khöu.+

 6 Ifohaga dania waʼatulömö simane haga na moluo,

Ba faʼatulömö simane haga luo ba zi maʼökhö.

Böi abao dödöu ba niha

Si no aʼozu mamalua niʼera-erania.+

 8 Böhöli wofönu ba röi waʼaukhu dödö;+

Böi abao dödöu irege öfalua zi lö sökhi.*

 9 Tehori dania niha si lö sökhi,+

Ba sanötöna khö Yehowa zokhö tanö dania.+

10 Hatö maʼifu tö ba lö hadöi saʼae niha si lö sökhi;+

Na öfaigi nahania,

Ba lö yaʼia saʼae.+

11 Hizaʼi, niha si so fangide-ngideʼö zokhö tanö dania,+

Ba owua-wua dödöra börö me fahöna waʼatulö.+

12 Niha si lö sökhi iʼera-era wamakao niha satulö;+

Ifatangi mbohania börö me mofönu ia.

13 Hizaʼi, maʼiki Yehowa ba niha daʼö,

Börö me iʼila lö ara tö ginötö waʼamatenia.+

14 Idöni wödania niha si lö sökhi ba ifaöndrö* wana sinali

Ba wangekhugö tou niha nifakao ba si numana,

Ba wamunu niha sanörö lala sindruhu.

15 Hizaʼi, ba dödöra tetaru wödara andrö;+

Ba mufatö dania wana sinali khöra.

16 Abölö sökhi na lö oya niʼokhögö niha satulö

Moroi ba zi fahöna niʼokhögö niha si lö sökhi.+

17 Börö me mufatö dania daʼio niha si lö sökhi,

Hizaʼi, ituwu niha satulö tödö Yehowa.

18 Iʼila Yehowa zalua ba* niha si lö sinegu,

Ba lö tebulö gondröitara sagötö faʼara.+

19 Lö teʼailasi ira ba ginötö waʼatosasa;

Teʼabusoiʼö ira dania ba mbaŵa lofo.

20 Ba tehori dania niha si lö sökhi;+

Taya zi faʼudu khö Yehowa simane faʼataya waʼasökhi mbenua soduʼu;

Taya ira simane simbo.

21 Na mamiza niha si lö sökhi ba lö ibuʼa mangawuli,

Oböwö* niha satulö ba omasi ia mamuala.+

22 Niha nifahowuʼö Lowalangi dania zangokhögö ulidanö,

Ba tehori dania niha niʼelifi Lowalangi.+

23 Yehowa zanuturu* lala niha+

Na omuso dödönia ba waʼauri niha daʼö.+

24 Hewaʼae alabu ia ba lö adölö ia tou ba danö,+

Börö me Yehowa zololohe tangania.+

25 Me awuyu-wuyu ndraʼo mböröta, ba me no atua ndraʼo iadaʼa,

Lö irai uʼila iʼerogö niha satulö tödö Lowalangi,+

Mazui mangandrö-ngandrö gö* ndraononia.+

26 Lö mamalö waʼoböwönia na so zamiza,+

Ba ifahowuʼö ndraononia Lowalangi.

27 Aröuʼö ndraʼugö ba zi lö sökhi ba falua zi sökhi,+

Ba lö tebulö auri ndraʼugö irugi zi lö aetu.

28 Iʼomasiʼö waʼatulö Yehowa,

Ba lö iröi ndra enoninia si lö faröi.+

Lö tebulö irorogö ira;+

Ba tehori ngaʼötö niha si lö sökhi.+

29 Niha satulö tödö dania zokhö tanö,+

Ba mowanua ira ba daʼö sagötö faʼara.+

30 Lafatou-tou bewera waʼatua-tua* ira niha satulö,

Ba fahuhuo lelara sanandrösa ba zatulö.+

31 Ba dödönia so goroisa Lowalanginia;+

Lö mangiwa gahenia.+

32 Idaro-darogö zatulö tödö andrö niha si lö sökhi,

Iʼalui lala wamunu yaʼia.

33 Hizaʼi, lö itehegö Yehowa na aekhu ia ba danga niha daʼö+

Mazui lafaduhuʼö wa fasala ia na muʼetuʼö khönia huku.+

34 Döna-döna khö Yehowa ba törö lalania;

Iʼalawaʼö dania ndraʼugö ba öʼokhögö gulidanö.

35 No uʼila wa monönö manö niha si lö sökhi ba safaito

Simane eu sebua ba danö si tumbu yaʼia.+

36 Ba zi lö mudöna-döna, taya ba lö yaʼia saʼae;+

Uʼalu-alui ia ba lö usöndra.+

37 Haogö wamaigi niha si lö sinegu,

Ba faigi niha sadölö tödö,+

Börö me fahöna waʼatulö niha daʼö ba zi so miföna.+

38 Hizaʼi, tehori fefu zebua horö;

Lö fanötöna niha si lö sökhi ba zi so miföna.+

39 Yehowa zangefaʼö niha satulö;+

Yaʼia mbaʼa-baʼara ba ginötö waʼatosasa.+

Iʼefaʼö dania ira ba ilumöʼö moroi ba danga niha si lö sökhi,

Börö me khönia lalumöʼö ira.+