Yesaya
57 Taya niha satulö tödö
Ba lö hadöi soʼameʼegö tödö yaʼira.
2 Fefu niha sadölö tödö molombase ira ba naha wemörö*
Ba lasöndra waʼahono dödö.
3 ”Ba yaʼami, miʼae ba daʼa,
He yaʼami ono matua moroi ba ndra alawe sebua elemu,
Ngaʼötö zohorö-horö.
4 Haniha niʼoʼayami?
Haʼökhö mifaboka mbawami ba miʼoroʼö lelami?
Hadia tenga ono niha si so horö ami,
Ono niha si falimo,+
5 Niha somasi mamalua horö ba gotalua geu sebua+
Barö geu satabö,+
Samunu ononia ba ndraso,+
Ba gotalua gahe hili?
6 Öfili gara salösö moroi ba ndraso.+
Ba öbaliʼö haratomö daʼö.
Öfaduwa zumange nibadu ba öbeʼe zumange khöra.+
Hadia öwalinga omuso dödögu* ba ngawalö daʼa fefu?
8 Öfasa dandra-tandra furi ba mbawandruhö hegöi ba döla-döla mbawandruhö.
Öröi ndraʼo ba öheta mbalu-balu mbotou;
Möiʼö yawa ba öʼeboloʼö naha wemörö.
Ölau fawuʼu li khöra.
9 Möiʼö khö Melekhi* ba öʼohe wanikha
Ba oya sibai wanikha somuhua.
Öfatenge niha ba nahia saröu,
Enaʼö möiʼö tou ba Lewatö.*
10 Abua khöu ba wanörö lalamö soya andrö,
Hizaʼi, lö irai ömane, ’Zaya-zaya gölö daʼa!’
Öfuli zui ötema waʼabölö.
Daʼö mbörö wa lö öböhöli.*
11 Haniha zametaʼu ba samanizi yaʼugö,
Irege öbörögö falimo?+
Lö itörö tödöu ndraʼo.+
Lö hadöi ba dödöu.+
13 Lö iʼorifi ndraʼugö lowalangimö ba ginötö öʼandrö wanolo.+
Fefu daʼö teʼoloiʼö ba nangi,
Tezaumba ba höfu-höfu.
Laʼokhögö gulidanö dozi niha solumöʼö yaʼira khögu
Ba laʼokhögö hili niʼamoniʼö andrö khögu.+
14 So zangumaʼö, ’Fazökhi, fazökhi lala! Mihaogö lala!+
Miheta zi fatimba ba lala nono mbanuagu.’”
”Toröi ndraʼo ba nahia salawa ba niʼamoniʼö andrö,+
Hegöi ba zi no arasa tödö ba sangide-ngideʼö yaʼia,
Ba wamarou tödö niha sangide-ngideʼö
Awö wamadöhö niha si no arasa tödö.+
16 Lö utahigö ira sagötö faʼara,
Ba lö mofönudo irugi zi lö aetu;+
Na ufalua daʼö, fefu niha awö zaliwa-liwa ba danö si no ufazökhi,
Lö khöra faʼabölö börö ndraʼo.+
17 Mofönu ndraʼo börö horönia, iʼalui hare ba zi lö duhu.+
Uhuku göi ia. Ubiniʼö mbawagu khönia ba mofönudo.
Hizaʼi, itugu lö sökhi ia+ ba iʼoʼö niwaʼö dödönia.
Ufuli urara dödönia*+ hegöi niha tanö böʼö si no göna abula dödö.”+
19 ”Yaʼo zangaʼasogö fehede si möi fanuno.*
Lö aetu ubeʼe waʼahono dödö ba niha saröu hegöi ba niha sahatö,”+ iwaʼö Yehowa,
”Ba ufadöhö dania ia.”
20 ”Hizaʼi, lö faʼahono dödö ba niha si lö sökhi, hulö nasi sogoso-goso,
Samadaulu duʼu nasi hegöi taimba.
21 Lö hadöi faʼahono dödö ba niha si lö sökhi,”+ iwaʼö Lowalangigu.