Danieli

2 Me no dua fakhe mamatörö Nebukanesa, mangifi ia ba lö sökhi-sökhi dödönia+ irege lö iʼila mörö. 2 Andrö wa ikaoni niha sonekhe fakelemu, samaʼeleʼö, faetasa, awö niha Galedaia* ba wamatunö khö Razo hadia wangifinia. Möi ira laʼondrasi Razo.+ 3 Aefa daʼö imane khöra Razo, ”No mangifido ba lö sökhi-sökhi dödögu börö me omasido uʼila hadia geluaha wangifigu andrö.” 4 Lamane ira niha Galedaia andrö khö Razo ba li Garamo,*+ ”Yaʼanau nosou Razo. Fatunö khöma wangifimö ba mafatunö dania khöu geluahania.”

5 Hizaʼi, imane Razo ba niha Galedaia andrö, ”No uhalö gangetula, na lö mifatunö khögu wangifigu hegöi eluahania, hasambalö ukhökhö ami, ba ubaliʼö naha waniboʼö si taʼunö nomomi ba niha sato.* 6 Hizaʼi, na miʼombakhaʼö khögu wangifigu hegöi eluahania, ubeʼe khömi mbuala, sumange sebua awö wangandrö saohagölö.+ Andrö, mifatunö khögu wangifigu hegöi eluahania.”

7 Sakali tö lamane, ”Fatunö khöma wangifimö ba mafatunö dania khöu geluahania.”

8 Imane Razo, ”Aboto ba dödögu wa edöna mirörö ndraʼo, sindruhunia no miʼila gangetulagu. 9 Ha sambua hukuma zi göna khömi na lö mifatunö wangifigu. No hasara dödömi ba wolimo yaʼo ba mitötöna enaʼö ubulöʼö gangetulagu. Miʼombakhaʼö khögu wangifigu, ba awena aboto ba dödögu wa tola mitutunö geluahania.”

10 Lamane, ”Samösa lö sangila mamalua niʼandrömö. Ira samatörö hegöi razo sebua maʼafefu, lö irai laʼandrö zimane daʼö khö ndra sonekhe fakelemu, samaʼeleʼö mazui ba niha Galedaia. 11 Abua sibai niʼandrömö Razo. Lö si tola mangombakha khöu baero lowalangi, ba lö toröi ira ba gotalua niha.”

12 Me irongo daʼö Razo, mofönu sibai ia ba ibeʼe fareta enaʼö labunu fefu niha sogonekhe ba Mbabilona.+ 13 Ba me no mubeʼe goroisa ba wamunu niha sogonekhe, laʼalui Danieli hegöi ira awönia ba wamunu yaʼira.

14 Ba ihaogö wehede Danieli khö Gariokhi kumandru zaradadu sozago Razo si möi ba wamunu niha sogonekhe ba Mbabilona. 15 Manofu ia khö Gariokhi kumandru zaradadu sozago Razo, ”Hana wa ibeʼe fareta sabeʼe andrö Razo?” Itutunö khönia Ariokhi.+ 16 Möi Danieli khö Razo ba iʼandrö enaʼö mubeʼe khönia ginötö ba wanutunö eluaha wangifi Razo.

17 Aefa daʼö, mangawuli Danieli ba ifatunö khö ndra awönia yaʼia daʼö Hanania, Mizaeli ba Asaria. 18 Iwaʼö khöra enaʼö laʼangaröfili Lowalangi si so ba zorugo ba wangandrö faʼahakhö dödö ba wanutunö si tobini andrö, enaʼö lö mufaogö wamunu Danieli hegöi ira awönia ba simanö göi niha sogonekhe tanö böʼö ba Mbabilona.

19 Ba zi bongi daʼö, tefaʼeleʼö khö Danieli zi tobini andrö ba gangilata.+ Ba isuno Lowalangi sabölö si so ba zorugo. 20 Imane Danieli,

No öfatunö khögu hadia niʼandröma khöu.

Öfatunö khöma wangifi razo.”+

24 Aefa daʼö, möi Danieli khö Gariokhi nifatenge Razo ba wamunu niha sogonekhe ba Mbabilona.+ Imane Danieli, ”Böi bunu niha sogonekhe ba Mbabilona. Fasao ndraʼo khö Razo, akha ututunö khönia geluaha wangifinia.”

25 Iʼanemaiʼö mofanö Gariokhi ba wolohe Danieli khö Razo ba imane, ”No usöndra niha si tola mamatunö eluaha wangifimö Razo. Yaʼia andre niha niʼoloiʼö moroi ba Yehuda.”+ 26 Imane Razo khö Danieli nifotöi Belizasari,+ ”Hadia sindruhu tola öfatunö khögu wangifigu awö geluahania?”+ 27 Imane Danieli, ”Lö hadöi niha sogonekhe, samaʼeleʼö, sonekhe fakelemu mazui sanahö döfi si tola mangombakha khöu si tobini andrö nisofumö khöra.+ 28 Hizaʼi, ba zorugo so Lowalangi Sangombakha si tobini andrö.+ No ifatunö khö Razo Nebukanesa hadia zalua ba gafuriata ginötö andrö. Daʼa wangifi hegöi angilata niʼilamö me mörö ndraʼugö,

29 ”He Razo, me ölau mörö, mangifi ndraʼugö sanandrösa ba zalua ba zi so föna, ba ifatunö khöu Lowalangi Sangombakha si tobini andrö hadia dania zalua. 30 No teʼombakhaʼö khögu zi tobini andrö tenga börö me atua-tua ndraʼo moroi ba danö böʼö, hizaʼi enaʼö tola ufatunö khöu geluahania irege öʼila hadia zinangea öʼangeragö.+

31 ”He Razo, ba wangifimö andrö no öʼila nadu sebua famaedo niha ba mozizio ia fönau. Alawa sibai nadu daʼö, takile ba ataʼu niha wamaigi. 32 Tefazökhi högö nadu daʼö moroi ba ganaʼa si sökhi,+ tötöʼa hegöi taʼionia moroi ba wirö,+ talu hegöi fahania moroi ba tembaga,+ 33 ahenia moroi ba ziʼöli,+ ba tete kahenia matonga moroi ba ziʼöli ba matonga moroi ba dambu laʼuri.+ 34 Me öfaigi ia, so gara nitaba ba tenga tanga niha zanaba yaʼia. Iʼanemaiʼö göna ba afufu dete kahe nadu andrö si no mufaruka siʼöli ba tambu laʼuri.+ 35 Daʼö mbörö wa adudu ziʼöli, tambu laʼuri, tembaga, firö, hegöi anaʼa, ba tobali simane uliho ba naha wamöbörö ba mbaŵa lökhö, niʼoloiʼö nangi irege taya ba lö oroma. Hizaʼi, tobali hili sebua gara andrö si göna ba nadu, ba ifönui gulidanö.

36 ”Daʼö wangifimö Razo, ba iadaʼa mafatunö khöu geluahania. 37 He Razo, yaʼugö andrö razo yawa razo. No ibeʼe khöu Lowalangi si so ba zorugo wamatörö,+ kuaso, faʼabölö hegöi faʼamolakhömi. 38 No ibeʼe barö mbawau fefu niha gofu hezo toröi ira, simanö göi gurifö si so ba mbenua awö wofo ba dalu mbanua. No ibaliʼö ndraʼugö samatörö yaʼira fefu.+ Yaʼugö zi no amaedola högö anaʼa andrö.+

39 ”Hizaʼi na no aefa ndraʼugö, so dania gamatöröwa tanö böʼö+ ba tenga simane faʼabölö wamatöröu. Aefa daʼö, mamatörö gamatöröwa si tölu moroi ba tembaga, ba zi sagörö ulidanö.+

40 ”Ba amatöröwa si öfa abeʼe ia simane siʼöli.+ Simane siʼöli sorama ba samufu hadia ia, simane daʼö dania nifalua wamatörö andre ba wamufu hegöi ba wanudugö fefu wamatörö fatua lö yaʼia.+

41 ”Simane niʼilamö Razo, tete kahe hegöi tuturu kahenia matonga moroi ba ziʼöli ba matonga moroi ba dambu laʼuri.* Tebagi dania wamatörö andrö, hizaʼi abeʼe nasa simane siʼöli börö me no mufaruka ia ba dambu laʼuri sombuyu. 42 Simane tuturu kahenia si no mufaruka siʼöli hegöi tambu laʼuri, tebagi göi dania wamatörönia andrö matonga aro ba matonga zi lö aro. 43 Simane siʼöli si no faruka tambu laʼuri sombuyu, fasoli dania wamatörö daʼö ba niha si toʼölö. Hizaʼi, tebai teʼosambuaʼö ira, simane siʼöli si lö fakitö ba dambu laʼuri.

44 ”Ba götö ndra razo andrö dania, ifasindro wamatörönia+ Lowalangi si so ba zorugo, amatöröwa si lö irai adudu.+ Ba lö möi ba niha böʼö gamatöröwa daʼö.+ Idudugö ba ihori dania fefu gamatöröwa no mege.+ Ha famatörönia zi lö tebulö irugi zi lö aetu.+ 45 Alua daʼö simane niʼilau: Mutaba gara moroi ba hili, ba tenga tanga niha zanaba yaʼia. Idudugö dania ziʼöli, tembaga, tambu laʼuri, firö hegöi anaʼa.+ No ifatunö khöu Lowalangi Solakhömi hadia zalua ba zi so miföna.+ Sindruhu wangifi andre ba hasambalö alua.”

46 Me irongo daʼö, ituhi danö Razo Nebukanesa föna Danieli. Ifatenge niha ba wanunu sumange somuhua ba mamuala ia khö Danieli tandra wamosumange. 47 Imane Razo khö Danieli, ”Sindruhu-ndruhu wa no Lowalangi solakhömi Lowalangimö andrö ba Samatörö yawa razo ba Sangombakha si tobini, börö me tola öfatunö zi tobini andre.”+ 48 Aefa daʼö, ibeʼe dadaoma salawa khö Danieli ba oya mamuala ia. Ifataro Danieli tobali sondröniaʼö ba zi sagörö Provinsi Mbabilona+ ba ibaliʼö kafalo zamatörö ba zi sambua banua samaigi-maigi niha sogonekhe si so ba Mbabilona. 49 Ba ifaʼema gangandröwania Danieli khö Razo enaʼö ifataro Zaderakhi, Mezakhi ba Abedonego+ tobali sohalöwö ba Provinsi Mbabilona. Ba gödo razo mohalöwö Danieli.