Yesaya
26 Ba ngaluo daʼö, laʼanunöisi zinunö daʼa+ ba mbanua Yehuda,+
”No so khöda mbanua saro.+
Iʼasogö Lowalangi wangorifi simane towa hegöi baʼa-baʼa folumöʼö.+
2 Bokai mbawa göli+ enaʼö tola möi bakha soi satulö,
Soi si lö faröi.
3 Ölumöʼö niha sangodaligö* yaʼugö;
Lö tebulö öbeʼe khöra waʼahono dödö,+
Börö me faduhu dödöra khöu.+
5 Ihöndrögö niha si fayawa, banua sasiliyawa.
Ihöndrögö,
Ihöndrögö irugi danö;
Itiboʼö ba gawu-gawu.
6 Lahundra-hundra ia niha si tosasa
Hegöi niha si lö faʼabölö.”
7 Adölö lala niha satulö.
Öʼalui lala enaʼö aloʼo nitörönia,
Börö me no sadölö tödö ndraʼugö.
8 He Yehowa, khöu manötöna ndraʼaga
Sagötö foloʼöma lala satulö andrö khöu.
Omasiga sibai* matörö tödöma ndraʼugö hegöi töimö andrö.
9 Ba zi bongi, humulu dödögu khöu,
Iʼalu-alui ndraʼugö tödögu;+
Ba ginötö öhuku gulidanö,
Fefu niha gulidanö lafahaʼö ira ba zindruhu.+
10 Hewaʼae na muhakhösi tödö niha si lö sökhi,
Ba lö ifomaha ia ba zindruhu.+
11 He Yehowa, no öfazawa dangamö, hizaʼi lö laʼila.+
Ihawui ira faʼaila ba ginötö laʼila waʼomasimö sebua ba nono mbanuamö.
Iʼa ira alitö niʼogunaʼöu ba wangohori udumö.
12 He Yehowa, öbeʼe khöma waʼahono dödö.+
Yaʼugö zameʼe khöma faʼabölö
Ba wamalua fefu halöwöma.
14 Mate ira; ba lö ifuli auri.
Lö hadöi si tola lafalua na no mate ira; ba lö tesusugi ira.+
Börö me no öhalö gangetula ba wangohori yaʼira,
Irege lö saʼae itörö tödö niha ira.
15 He Yehowa, no önönö waʼato niha ba soi daʼa,
No önönö waʼato niha ba soi daʼa;
No öfolakhömi ndraʼugö.+
No önönö waʼebolo nola danö ba soi daʼa.+
16 He Yehowa, laʼalui ndraʼugö ba waʼatosasara;
Hulö zi fangöngö ira ba ginötö lalau mangandrö ba wamaʼema ösi dödöra me öfahaʼö ira.*+
17 Börö me öfalua daʼö, yaʼugö Yehowa,
Hulö ndra alawe sanabina ndraʼaga, sarakhagö moʼono,
Marasoi waʼafökhö ba moʼira ndraʼaga ba wehulu.
18 Manabina ndraʼaga, marasoi waʼafökhö sabölö-bölö.
Hizaʼi, hulö maʼadonogö nangi.
Lö maʼohe wangorifi ba soi daʼö,
Ba lö hadöi niʼadonogö si toröi ba daʼö.
19 ”Ifuli auri niha si no mate andrö khöu.
Tesusugi mboto nono mbanuagu si no mate.+
Mifaoso ba miʼomusoiʼö dödömi,
Yaʼami si no ibalugö tanö!+
Mibiniʼö ami sabata
Irege alö wönugu.+
21 Hiza! Yaʼodo Yehowa, möido baero moroi ba nahiania
Ba wanguhuku niha si toröi ba soi daʼö börö zala nifaluara.
Tefaʼeleʼö dania wanuwagö do salua ba soi andrö
Ba lö tobini niha nibunu ba daʼö.”