Sinunö
Khö zondröniaʼö sinunö: Sanandrösa ba Muti-labeno.* Sinunö Dawido.
א [Alef]
9 He Yehowa usuno ndraʼugö soroi ba dödögu;
Udunö-dunö fefu nifaluamö sahöli-höli dödö.+
2 Uʼomusoiʼö dödögu ba maʼiki ndraʼo börö ndraʼugö;
ב [Bet]
3 Me awuwu furi zi faʼudu khögu,+
Alabu ira ba tehori ira tanö fönamö.
4 Öʼoʼawögö ndraʼo ba öfalua khögu waʼatulö;
Moroi ba dadaomamö, öʼetuʼö huku si fao faʼatulö.+
ג [Gimel]
5 Ötegu fefu soi+ ba öhori niha si lö sökhi,
Öbunu döira ba zura sagötö faʼara.
ה [He]
ו [Waw]
9 Yehowa zi tobali nahia folumöʼö* si lö ametaʼuö ba niha nifakao,+
Nahia folumöʼö saro ba ginötö waʼatosasa.+
10 Niha sangila töimö, ba lafaduhusi tödö ndraʼugö;+
He Yehowa, lö irai öröi niha sangondrasi yaʼugö.+
ז [Zayin]
11 Anunöisi zinunö fanuno khö Yehowa si toröi ba Ziona;
Midunö-dunö halöwönia ba soi misa.+
ח [Het]
13 Hakhösi tödö ndraʼo Yehowa; faigi wamakaogu niʼasogö niha si fatiu tödö khögu,
Yaʼugö zangeheta yaʼo moroi ba mbawa göli waʼamate,+
14 Enaʼö tola uturiaigö fefu nifaluamö sinangea musuno ba mbawa göli mbanua* Ziona,+
Ba omuso dödögu börö me öʼorifi ndraʼo.+
ט [Tet]
15 No alösu soi böʼö ba dögi nikhaora samösa;
No tokhai gahera ba guʼö nifazökhira samösa.+
16 Tehöngö Yehowa börö wanguhuku nifaluania.+
Teʼala niha si lö sökhi ba halöwö dangania samösa.+
Higayono.* (Sela)
י [Yod]
17 Ba Lewatö* numalö niha si lö sökhi,
Ba nahia si möi fefu soi sangolifugö Lowalangi.
18 Hizaʼi tenga sagötö faʼara muʼolifugö niha si numana,+
Ba lö tobali zaya-zaya gölö wanötöna niha sangide-ngideʼö yaʼia.+
כ [Kaf]
19 Faoso yaʼugö Yehowa! Etuʼö huku ba soi fefu.+
Böi tehegö möna niha.
20 He Yehowa, fetaʼu ira,+
Enaʼö aboto ba dödö soi fefu wa yaʼira andrö ha niha si toʼölö. (Sela)