Sinunö
74 He Lowalangi, hana wa ötimbagö ndraʼaga sagötö faʼara?+
Hana wa mohola* wönumö ba mbiri-biri nikubaloimö?+
Törö tödöu Hili Ziona nahia waʼatoröimö.+
3 Fazaule mbeka-bekamö ba gadudula andrö si lö mamalö-malö.+
No ahori lafakiko fefu zi so ba nahia niʼamoniʼö ira niha si faʼudu.+
4 Muʼao zi faʼudu khöu bakha ba gosalimö.*+
Lafasa mandrera si tobali tandra ba daʼö.
5 Hulö niha samazaule fato ira solobö eu ba gatua sebolo.
6 Ladudugö fefu gambara si no mufoe+ faoma fato awö ligibasi.
7 Latunu naha niʼamoniʼö andrö khöu.+
Lataʼunöisi nose sangotöigö töimö, lafaloʼo tou ba danö.
8 Lamane tödöra hegöi ngaʼötöra,
”Hasambalö mutunu fefu nahia wamosumange Lowalangi ba soi daʼa.”
9 Lö hadöi tandra-tandra si tola maʼila;
Lö hadöi saʼae samaʼeleʼö,
Ba lö sangila hawaʼara tebato zimane daʼa.
10 He Lowalangi, hawaʼara manö tebato wangoʼaya andrö moroi ba nudu?+
Hadia irugi zi lö aetu laʼoʼaya döimö andrö niha si faʼudu khöu?+
11 Hana wa ötaha dangamö, tangamö kambölö?+
Fadölö dangau moroi ba dötöʼamö* ba hori ira.
12 Hizaʼi Lowalangi andrö Razogu iʼotarai mböröta,
Sameʼe fangorifi ba zi sagörö ulidanö.+
13 Öfodulu nasi ba waʼabölömö;+
Öboto högö gurifö segesolo ba nasi.
14 Öboto högö Lewiata;*
Öbaliʼö balazo niha, yaʼia daʼö sowanua ba danö si mate.
16 Okhötau zi maʼökhö hegöi si bongi.
Yaʼugö zamazökhi haga awö luo.+
18 He Yehowa, törö tödöu wangoʼaya si otarai nudu;
Lö lafosumange döimö ira niha si bodo andrö.+
19 Böi lulu noso marafadimö ba gutu ndruʼu.
Böi olifugö nono mbanuamö nifakao sagötö faʼara.
20 Törö tödöu mbuʼusa liu khöra,
Börö me no afönu gazuni niha si lö sökhi ba gulidanö sogömi-gömi.
22 Faoso yaʼugö Lowalangi, gohi waʼatulö andrö ba khöu.
Böi olifu ndraʼugö wa ero maʼökhö laʼoʼaya ndraʼugö ira niha si bodo.+
23 Böi olifu ndraʼugö wehede niha si faʼudu khöu.
Itugu abölö-bölö waʼakaliru niha solawa yaʼugö.