Sinunö
BUKU SI TÖLU
(Sinunö 73-89)
Sinunö Gasafo.+
73 Sökhi sibai Lowalangi ba ndraono Gizaraʼeli, ba niha sohau-hau tödö.+
2 Hizaʼi, arakhagö ahole ndraʼo moroi ba lala satulö;
Hatö maʼifutö ba ahele gahegu.+
6 Daʼö mbörö wa no hulö naya ba mbagira waʼasiliyawa;+
Ba hulö mbaru khöra waʼalösökhi.
7 No ahöndrö höröra börö waʼesolora;*
Falawu zi no lasöndra töra moroi ba nidöna-dönara.
8 Mangoʼaya ira ba lawaʼö zi lö sökhi.+
Lafetaʼu ba lafakao niha si fao fayawasa.+
9 Agalawa sibai na mohede ira, irugi mbanua si yawa,
Ba itöröi gulidanö lelara.
10 Faʼawö khöra nono mbanua Lowalangi,
Ba labadu nidanö si fahöna andrö khöra.
11 Lamane, ”Hadia iʼila Lowalangi?+
Hadia aboto ba dödö Wondrege Zalawa fefu zalua?”
15 Hizaʼi na ufatunö fefu daʼa,
Tobali ndraʼo si manga mböli ba nono mbanuamö.*
16 Alangu dödögu
Me utandraigö woʼangeragö
17 Irege möi ndraʼo bakha ba naha niʼamoniʼö solakhömi khö Lowalangi
Awena aboto ba dödögu lua-lua waʼaurira ba zi so miföna.
18 Sindruhunia no öfataro ira ba zaelo tanö.+
Alabu ira öbeʼe ba tekiko.+
19 Tehori ira ba zi lö arara!+
Ba zi lö mudöna-döna, abölö-bölö wamakiko salua khöra!
20 Hulö niha si tokea ba wangifi,
Öʼolifugö ira* na maoso ndraʼugö, yaʼugö Yehowa.
22 Lö sökhi wangera-ngeragu ba ambö aboto ba dödögu;
Hulö gurifö si lö tödö ndraʼo fönau.
23 Hewaʼae simanö, lö tebulö uhatöʼö ndraʼo khöu;
No ögogohe dangagu kambölö.+
25 Haniha nasa niʼokhögögu ba zorugo?
Sagötö uʼokhögö ndraʼugö, lö hadöi somasi dödögu ba gulidanö andre.+
26 Tola alö waʼabölö mbotogu hegöi tödögu,
Hizaʼi iʼabeʼeʼö dödögu Lowalangi; Yaʼia gowe saro khögu ba tana khögu sagötö faʼara.+
27 Hasambalö tehori niha samandröndröu yaʼia ba khöu.
Ba öhori dania* dozi niha si faröi ba khöu.*+
28 Na yaʼo, faʼohahau dödö khögu na ahatö ndraʼo khö Lowalangi.+
Ubaliʼö solumöʼö yaʼo Yehowa Lowalangi Fondrege Zalawa,
Ba wamatunö fefu ngawalö nifaluamö.+