Sinunö
Khö zondröniaʼö sinunö. Moroi khö Dawido, enoni Yehowa.
36 Fahuhuo horö bakha ba dödö niha si lö sökhi;
Lö khönia fangataʼufi Lowalangi.+
2 Börö me iwalinga pade sibai ia
Irege lö iʼila ba lö fatuwu ia zala nifaluania.+
3 Afökhö wehede si otarai mbawania ba afönu falimosa;
Lö khönia saʼae faʼaboto ba dödö ba wamalua si sökhi.
4 Iʼera-era zi lö sökhi ba naha wemörönia.
Lö iböhöli wanörö lala si lö sökhi;
Lö itimbagö zi lö atulö.
5 He Yehowa, irugi mbanua si yawa faʼomasimö si lö faröi,+
Faʼalöfaröimö ofeta ba lawuo.
6 Faʼatulömö simane hili sagalawa solakhömi;*+
Angetula huku andrö khöu simane asi sabakha ba sebolo.+
Ölumöʼö* niha gulidanö hegöi urifö, yaʼugö Yehowa.+
7 Ebua mböli waʼomasimö si lö faröi, yaʼugö Lowalangi!+
Lalumöʼö ira niha gulidanö barö lumö gafimö.+
8 Labadu wondrege zi sökhi ba nomomö irege abuso ira,*+
Ba öfabadugö khöra waʼasökhi dödömö andrö si hulö nidanö.+
10 Böi böhöli wangoromaʼö faʼomasi si lö faröi ba niha sangila yaʼugö,+
Ba faʼasökhi dödömö ba niha sadölö tödö.+
11 Böi tehegö latarai ndraʼo ira niha sebua faʼasiliyawa,
Ba böi tehegö lafofanö ndraʼo ira niha si lö sökhi.
12 Faigi, no alabu niha si lö sökhi;
No asoʼa ira tou ba danö ba tebai maoso saʼae.+