Famaʼeleʼö Nitema Yohane
5 Aefa daʼö, uʼila zi dadao ba dadaoma andrö,+ so gölu-gölu zura ba dangania kambölö. Gölu-gölu zura andrö no musura faoma fatambai* ba no muhaogö wamotandro, fitu ngawua. 2 Ba uʼila malaʼika sabölö, ebua linia weʼao, ”Haniha zinangea mamokai gölu-gölu zura andrö ba sangeheta famotandronia?” 3 Hizaʼi, lö hadöi si tola mamokai ba sangila ösi gölu-gölu zura andrö he si so ba zorugo, he si so ba gulidanö, mazui barö danö. 4 Adöʼu-döʼu ndraʼo wege-ege börö me samösa lö sinangea mamokai gölu-gölu zura andrö ba samaigi ösinia. 5 Samösa moroi ba gotalua zatua sokubaloi andrö imane khögu, ”Böhöli weʼe. No möna+ Zingo si otarai mado Yuda,+ moroi ba maʼuwu+ Dawido+ irege yaʼia zinangea mamokai gölu-gölu zura andrö si no mufotandro, fitu ngawua.”
6 Ba uʼila nono mbiri-biri+ si zizio ba zinga dadaoma andrö so ia ba gotalua kerubi si daöfa hegöi ba gotalua ndra satua sokubaloi.+ Hulö zi no irai mutaba ia.+ So fitu dandru ba fitu hörönia. Fitu hörö andrö eluahania, fitu geheha Lowalangi+ nifatenge ba zi sagörö ulidanö. 7 Aefa daʼö, möi föna Nono Mbiri-biri andrö ba wangai gölu-gölu zura ba danga kambölö zi dadao ba dadaoma andrö.+ 8 Me ihalö gölu-gölu zura andrö Ono Mbiri-biri, latuhi danö fönania ira kerubi si daöfa hegöi ira satua sokubaloi si 24.+ Ero samösa zatua sokubaloi no lagogohe harafa ba mako anaʼa safönu sumange somuhua. (Sumange somuhua andrö eluahania fangandrö niha niʼamoniʼö.)+ 9 Laʼanunöisi zinunö si bohou+ lamane, ”Sinangea ndraʼugö wangai gölu-gölu zura ba samokai tandronia andrö, börö me no mutaba ndraʼugö ba no öhöli fefu niha ba ndromö moroi ba ngawalö mado, ba ngawalö li, moroi ba mbanua misa hegöi ngawalö soi,+ enaʼö tobali ira tana khö Lowalangi.+ 10 Öbaliʼö razo+ ira ba ere sangai halöwö khö Lowalangida.+ Tobali ira razo ba samatörö+ ulidanö.”
11 Aefa daʼö, uʼila malaʼika sato, samasui dadaoma andrö ba kerubi si daöfa hegöi ira satua sokubaloi. Ngafulu ribu kali ngafulu ribu waʼatora, ba ngahönö kali ngahönö.+ Urongo göi lira, 12 ebua lira weʼao, ”Ono Mbiri-biri si no irai mutaba+ andrö sinangea manema kuaso, faʼakayo, faʼatua-tua, faʼabölö, sumange, lakhömi, ba fanuno.”+
13 Aefa daʼö, urongo li zi so ba zorugo, ba gulidanö, barö danö,+ ba nasi, fefu ira lamane, ”Fanuno, sumange,+ lakhömi, ba faʼabölö khö zi dadao ba dadaoma+ andrö hegöi khö Nono Mbiri-biri+ irugi zi lö aetu.”+ 14 Lamane ira kerubi si daöfa, ”Yaduhu!” ba latuhi danö föna Lowalangi ira satua sokubaloi andrö.