Sangombakha
2 Umane tödögu, ”Utandraigö wolohi faʼomuso dödö ba ufaigi hadia lua-luania.” Hizaʼi, zaya-zaya gölö daʼö.
2 Umane, ”Faʼiki andrö no faʼowöhö!”
Manofu ndraʼo, ”Hadia gunania wolohi faʼomuso dödö?”
3 Uʼalui tödögu hadia lua-luania na ubadu nagu+ irege abuso ndraʼo, ba lö göi uböhöli waʼatua-tuagu. Utehegö ifowöhö ndraʼo faʼabodo ba wamaigi hadia zabölö sökhi nifalua niha sagötö faʼaurira ba zi lö arara ba gulidanö.* 4 Ufalua ngawalö halöwö segebua.+ Oya ufazökhi khögu nomo+ hegöi kabu nagu.+ 5 Ufazökhi khögu kabu zinanö hegöi kabu mbunga, ba utanö ba daʼö ngawalö geu sowua. 6 Ufazökhi khögu mbaʼa nidanö ba wombuwui sinanö sagawuyu ba gatua. 7 Uhalö khögu zawuyu ira matua hegöi sawuyu ira alawe+ ba so göi zi tumbu yomo ba nomogu. Oya ngawawa gurifögu yaʼia daʼö sawi, nambi hegöi biri-biri,+ töra moroi ba waʼoya niʼokhögö niha sauri fatua lö si tumbu ndraʼo ba Yeruzalema. 8 Uhöna khögu wirö awö ganaʼa,+ harato* nihalögu khö ndra razo hegöi ba provinsi böʼö misa.+ Uʼowuloi khögu ndra matua hegöi ira alawe sonekhe manunö awö zi tola mangomusoiʼö tödö niha ba gulidanö, yaʼia daʼö ira alawe, ira alawe sato sibai. 9 Monönö waʼebua gokhötagu töra moroi ba niha sauri fatua lö si tumbu ndraʼo ba Yeruzalema,+ ba lö taya waʼatua-tuagu.
10 Ufalua fefu zomasi-masi dödögu.*+ Lö utaha wolohi faʼomuso dödö niwaʼö dödögu. Owua-wua dödögu ba waʼerege dödögu, ba daʼö fefu zulö nitemagu* ba waʼerege dödögu.+ 11 Hizaʼi, ba ginötö uʼangeragö fefu zi no ifalua tangagu hegöi faʼerege dödögu,+ uʼila wa fefu daʼö oi folohi angi.+ Sindruhu-ndruhu wa lö eluaha daʼö* ba gulidanö.*+
12 Aefa daʼö, unehegö waʼatua-tua, faʼowöhö, ba faʼabodo.+ Hadia zi tola ifalua niha si tohare na lö hadöi razo saʼae? Ha ngawalö zi no irai mufalua. 13 Uʼila wa abölö sökhi waʼatua-tua moroi ba waʼabodo,+ simane haga abölö sökhi moroi ba waʼogömi-gömi.
14 Niha satua-tua, ba högönia so hörönia,+ hizaʼi ba zogömi-gömi mowaö-waö niha si bodo.+ Aboto göi ba dödögu wa fagölö zalua khöra ba gafuriata.+ 15 Umane tödögu, ”Salua ba niha si bodo ba alua göi dania khögu.”+ Na simanö, hadia guna wa atua-tua sibai ndraʼo? Andrö umane tödögu, ”Fefu daʼa oi zaya-zaya gölö.” 16 Niha satua-tua hegöi niha si bodo lö saʼae itörö-törö tödö niha ira.+ Ba gafuriata, fefu niha muʼolifugö. Ba hewisa na mate niha satua-tua? Fagölö simane na mate niha si bodo.+
17 Fatuwudo waʼauri,+ börö me fefu nifalua ba gulidanö* tobali fangabu dödögu. Fefu oi zaya-zaya gölö+ simane folohi angi.+ 18 Fatuwudo fefu ba halöwö serege dödögu ba gulidanö,*+ börö me uröi dania daʼö ba niha si toröi moroi furi.+ 19 Haniha zangila wa atua-tua ia mazui bodo?+ He na atua-tua ia hegöi na bodo, hasambalö yaʼia zamatörö fefu ngawalö zerege dödögu hegöi faʼatua-tuagu ba gulidanö.* Zaya-zaya gölö göi daʼa. 20 Andrö wa ibörögö afatö dödögu ba halöwö si no uʼeregesi tödö ba gulidanö,* 21 börö me tola manö mohalöwö niha si fao faʼatua-tua, faʼaboto ba dödö, ba faʼonekhe, hizaʼi hasambalö dania ibeʼe daʼö* ba niha si lö mangodödögö ba wanöndra yaʼia.+ Zaya-zaya gölö göi daʼa ba tobali fangabu dödö.*
22 Hadia nisöndra niha moroi ba waʼerege dödönia ba fangodödögönia ba wolohi ohitö dödönia ba gulidanö?*+ 23 Tobali famakao ba fangerege dödö halöwönia andrö sandrohu faʼaurinia.+ Lö ahono dödönia hewaʼae no bongi.+ Zaya-zaya gölö göi daʼa.
24 Sabölö sökhi ba niha yaʼia daʼö manga ba mamadu, ba iʼomusoiʼö dödönia ba zerege dödönia.+ Aboto ba dödögu wa moroi ba danga Lowalangi sindruhu daʼa,+ 25 haniha zi no morasoi faʼomuso dödö ba wemanga hegöi ba wamadu sabölö sökhi moroi khögu?+
26 Niha sangomusoiʼö tödönia tebeʼe khönia waʼatua-tua, faʼaboto ba dödö, ba faʼomuso dödö.+ Hizaʼi, tebeʼe ba niha sebua horö halöwö ba wangöhöna hegöi ba wangowuloi fefu, enaʼö ibeʼe daʼö ba niha sangomusoiʼö tödö Lowalangi sindruhu.+ Zaya-zaya gölö göi daʼa simane folohi angi.