Ba Mbanua Niha Keriso ba Nefeso
4 Yaʼo nibeʼe ba gurunga+ börö Zoʼaya, uʼandrö khömi enaʼö mihaogö gamuatami me yaʼami nikaoni Lowalangi,+ 2 yaʼia daʼö böi tebulö so khömi wangide-ngideʼö,+ falöʼalio mofönu, faʼebolo dödö,+ ba fanaha tödö börö waʼomasi,+ 3 miforege enaʼö lö tebulö khömi wahasara dödö ba geheha niʼamoniʼö, ba wamaböbö faʼatulö andrö.+ 4 Ha sambua mboto+ ba ha sambua geheha,+ simane fanötöna andrö si ha sambua niʼamualagö Lowalangi+ khömi yaʼami nikaoninia. 5 Ha samösa Zoʼaya,+ sambua wamati, sambua wamayagö idanö, 6 ha samösa Lowalangi ba Ama ba niha fefu, samatörö fefu, sangogunaʼö fefu ba wamalua ohitö dödönia, ba monahia ia ba daʼö.
7 Dozi ita no tatema waʼasökhi dödö sebua* moroi khö Lowalangi, moloʼö buala si no ibeʼe Keriso.+ 8 So ba zura, ”Me möi ia ba nahia salawa, iʼohe niha nitiboʼö ba ibaliʼö ira buala ba niha.”+ 9 Iadaʼa, hadia geluaha ngawua wehede ”möi ia ba nahia salawa”? Eluahania, no möi ia göi tou ba zabölö adogo-dogo, yaʼia daʼö ba gulidanö. 10 Si möi mitou andrö, yaʼia göi zi möi miyawa,+ abölö alawa ia moroi ba mbanua si yawa,+ irege ifoʼahonoa fefu hadia ia.
11 Niʼamualagönia andrö simane ira sinenge,+ samaʼeleʼö,+ sanuriaigö turia somuso dödö,+ kubalo hegöi samahaʼö,+ 12 ba wangadölöʼö lala waʼauri* niha niʼamoniʼö, ba halöwö khö Lowalangi, ba wangotomosi boto Keriso,+ 13 irege teʼosambuaʼö ita ba wamati ba taʼokhögö waʼaboto ba dödö si tefaudu sanandrösa khö Nono Lowalangi. Ba gafuriatania, moʼahonoa ita+ simane Keriso. 14 Böi simane iraono ita saʼae nifadaulu-daulu ba nifangörö-ngörö nangi ba ngawalö wamahaʼö faya+ moroi ba waʼonekhe zamaelungu andrö. 15 Hizaʼi tawaʼö zindruhu, ba yatedou ita ba waʼomasi ba ngawalö hadia ia, enaʼö tobali simane Keriso me yaʼia högö.+ 16 Ifaʼanö mboto andrö+ maʼasambua ba tefaböbö ndroto-ndroto fefu si no aʼoi so halöwö zamösana. Na sökhi wohalöwö ndroto-ndroto, daʼö zanolo boto andrö enaʼö tedou irege aro ba waʼomasi.+
17 Börö daʼö, ba döi Zoʼaya uwaʼö ba ufaduhuʼö khömi enaʼö böi saʼae miʼoʼö lala waʼauri niha gulidanö andre,+ börö me laʼoʼö wangera-ngerara si lö eluaha.+ 18 Ogömi-gömi wangera-ngerara, ba fandröndröu ira ba waʼauri si otarai khö Lowalangi, börö me lö omasi ira na so khöra waʼaboto ba dödö ba no sabeʼe tödö ira.* 19 Börö me lö ola khöra ba wamalua horö, lalulu mbotora ba gamuata si lö faʼaila.*+ Lö irai ibönö dödöra ba wamalua si raʼiö.
20 Hizaʼi, no mifahaʼö ami wa tenga simane daʼö Keriso 21 na sindruhu no mirongo ba no tefahaʼö ami ba zindruhu nifahaʼö Yesu. 22 No tefahaʼö ami enaʼö miheta khömi gamuata si tohöna andrö+ yaʼia daʼö lala waʼaurimi me mböröta, börö me tekiko gamuata daʼö ba gisö-isö dödö selungu.+ 23 Yalötebulö tebohouni lala wangera-ngerami,+ 24 ba tebohouni gamuatami,+ nifazökhi moloʼö ohitö dödö Lowalangi, si tefaudu ba waʼatulö ba faʼalöfaröi sindruhu.
25 Iadaʼa, börö me no miheta khömi ngawalö walimosa andrö, yafaoma si duhu miwaʼö khö nawömi,+ börö me ha sambua ndroto-ndroto ita.+ 26 Na mofönu ami, böi mifalua horö.+ Böi miʼekhugö luo ba wönumi,+ 27 ba böi mifonaha* Gafökha.+ 28 Niha sanagö-nagö, böi yamanagö ia saʼae. Yaʼiforege wohalöwö ba wamalua si sökhi faoma tangania,+ enaʼö tola ibeʼe wanolo ba niha soʼamböta.+ 29 Böi alua ba mbewemi wehede si lö sökhi.+ Tobali, mibeʼe wehede si sökhi si möi famarou dödö na moguna, enaʼö ohahau dödö zamondrongo.+ 30 Böi mitandrawaisi geheha Lowalangi.+ No mufotandro ami faoma ehehania+ enaʼö teʼefaʼö ami börö höli ba luo wangorifi dania.+
31 Miheta khömi waʼafökhö dödö, faʼabao dödö,+ fönu, feʼira-ira, falelesa,+ ba fefu ngawalö zi möi fangafökhö dödö.+ 32 Hizaʼi, faoma mihakhösi tödö nawömi,+ miʼefaʼö zala nawömi soroi ba dödö simane fangefaʼö Lowalangi salami ba khö Keriso.+