Sinunö
Khö zondröniaʼö sinunö: Yedutuno.* Sinunö Gasafo.+ Sambua sinunö.
77 Ebua ligu ba weʼao khö Lowalangi;
Muʼao ndraʼo khö Lowalangi, ba ifondrondrongo.+
2 Ba ginötö waʼatosasa, uʼalui Yehowa.+
Ba zi bongi, lö atage ndraʼo wamazawa tangagu* ba wangandrö.
Hewaʼae simanö, lö terara dödögu.
4 Lö alau hörögu öbeʼe;
Abu dödögu ba lö uʼila fahuhuo.
5 Itörö tödögu ginötö si no numalö,+
Döfi si no utaluʼi.
7 Hadia itiboʼö ndraʼaga Yehowa sagötö faʼara?+
Hadia lö saʼae omuso dödönia khöma?+
8 Hadia no taya waʼomasinia si lö faröi irugi zi lö aetu?
Hadia lö hadöi ngaʼötö sangila faʼalua mbuʼusa linia?
9 Hadia olifu Lowalangi wangoromaʼö faʼahakhö dödö khöma,+
Mazui no taya waʼahakhö dödönia börö wönunia andrö? (Sela)
10 Hadia lö uböhöli wangumaʼö, ”Daʼa mbörö wa marase ndraʼo:*+
No faböʼö dödö Wondrege Zalawa khöma”?*
11 Itörö tödögu nifalua Yehowa;*
Itörö tödögu ngawalö zahöli-höli dödö nifaluamö mböröta.
12 Uʼangerönusi fefu halöwömö
Ba uʼangeragö ngawalö nifaluamö.+
13 He Lowalangi, niʼamoniʼö fefu lalamö andrö.
Haniha Lowalangi si fagölö khöu faʼabölö, yaʼugö Lowalangi?+
14 Yaʼugö Lowalangi sindruhu, samalua ngawalö zahöli-höli dödö.+
No öforomaʼö waʼabölömö ba soi misa.+
16 He Lowalangi, iʼila ndraʼugö idanö;
Iʼila ndraʼugö idanö ba mokiba ia.+
Idanö sabakha manö ba modaulu.
17 Iduwagö nidanö lawuo moroi si yawa.
Moʼugu dalu mbanua solawuo,
Ba oi fabözi misa nono wanamö.+