Sinunö
Khö zondröniaʼö sinunö: Teʼodane-dane moloʼö sinunö ”Böi Fakiko”. Sinunö Gasafo.+ Sambua sinunö.
75 Maʼandrö khöu saohagölö, yaʼugö Lowalangi, maʼandrö khöu saohagölö;
Ba laturiaigö niha sato gamuatamö sahöli-höli dödö.
2 Ömane, ”Ba ginötö si no uhonogöi,
Ufalua wanguhuku si fao faʼatulö.
3 Ba ginötö modögö fefu danö awö zowanua ba daʼö,
Yaʼo zangaʼaroʼö döla-dölania.” (Sela)
4 Umane ba niha sasiliyawa, ”Böi suno ndraʼugö,”
Ba niha si lö sökhi, ”Böi höni waʼabölömö.*
5 Böi höni-höni waʼabölömö*
Mazui fayawa ndraʼugö ba wehede.
6 Börö me tenga moroi ba gatumbukha mazui ba gaekhula mazui tanö raya
Tohare waʼebua döi andrö.
7 Lowalangi andrö Sanguhuku.+
Ihöndrögö zi samösa ba iʼalawaʼö zi samösa.+
8 So sambua mako ba danga Yehowa;+
No ifoʼösi faoma agu sogotu-gotu ba afönu famaruka.
Hasambalö iduwagö,
Ba fefu niha si lö sökhi ba gulidanö labadu nagu andrö fabaya lölö.”+
9 Na yaʼo, ba udunö-dunö ia sagötö faʼara;
Manunö ndraʼo ba wanuno* Lowalangi Yakobo.