Sinunö
71 He Yehowa, khöu ulumöʼö ndraʼo.
Böi tehegö teʼailasi ndraʼo.+
2 Efaʼö ba orifi ndraʼo, börö me yaʼugö zatulö.
Beʼe mbörö dalingamö khögu* ba efaʼö ndraʼo.+
3 Yatobali ndraʼugö öli kara khögu
Enaʼö tola möido ba daʼö ero inötö.
Beʼe goroisa ba wangefaʼö yaʼo,
Börö me yaʼugö zi tobali hili kara khögu ba baʼa-baʼagu.+
4 He Lowalangigu, efaʼö ndraʼo moroi ba danga niha si lö sökhi,+
Moroi ba gokhö niha samakao si lö atulö.
5 He Yehowa Lowalangi Fondrege Zalawa, yaʼugö dötönafögu;
6 Iʼotarai me tumbu ndraʼo no uʼodaligö ndraʼugö;
Yaʼugö zolohe yaʼo baero moroi ba dalu ninagu.+
Lö uböhöli wanuno yaʼugö.
7 Ato niha sahöli-höli tödö ba wamaigi salua khögu,
Hizaʼi, ha yaʼugö nahia folumöʼö saro khögu.
8 Lö iböhöli bawagu wanuno yaʼugö;+
Udunö-dunö lakhömimö ero maʼökhö.
10 Niha si faʼudu khögu, si lö sökhi nidunö-dunöra sanandrösa khögu,
Ba mamagölö niha ba wamunu yaʼo.+
11 Lamane, ”No iröi ia Lowalangi.
Gohi ba raʼu ia, börö me lö hadöi sangorifi yaʼia.”+
12 He Lowalangi, böi aröuʼö ndraʼugö khögu.
He Lowalangigu, aliokö tolo ndraʼo.+
13 Yateʼailasi ba tehori
Fefu niha solawa yaʼo.+
Yateʼailasi ba teʼoʼaya
Niha somasi mamakao yaʼo.+
14 Hizaʼi na yaʼo, ba lö uböhöli wombaloi;
Usuno ndraʼugö ba ufuli zui usuno.
15 Ero maʼökhö, idunö-dunö bawagu gamuatamö satulö,+
Hegöi fangorifi si otarai ndraʼugö,
16 Udunö-dunö nifaluamö sahöli-höli dödö,
He Yehowa Lowalangi Fondrege Zalawa;
Utötöi dania waʼatulömö, ha faʼatulömö.
17 He Lowalangi, no öfahaʼö ndraʼo iʼotarai me awuyu-wuyudo,+
Ba irugi iadaʼa, lö uböhöli wamatunö amuatamö sahöli-höli dödö.+
18 He Lowalangi, böi röi ndraʼo hewaʼae no atua ndraʼo ba ahuwa.+
Akha udunö-dunö waʼabölömö* ba zi sagötö niha dania
Ba fefu zahöli-höli dödö nifaluamö ba ngaʼötö si tohare dania.+
19 He Lowalangi, no irugi mbanua si yawa amuatamö satulö;+
No öfalua ngawalö zahöli-höli dödö;
He Lowalangi, haniha zimane yaʼugö?+
20 Hewaʼae na oya ötehegö alua khögu wamakao ba fangabu dödö,+
Fuli orifi ndraʼo;
Heta ndraʼo moroi ba nahia sabakha ba gulidanö.+
21 Yaʼitugu lafosumange ndraʼo öbeʼe,
Talagui ndraʼo ba rara dödögu.
22 He Lowalangigu, börö me lö faröi ndraʼugö khögu+
Ba usuno dania ndraʼugö faoma fakake zinunö nifosinali.
He Lowalangi, Niʼamoniʼö ndraono Gizaraʼeli,
Manunö ndraʼo ba wanuno yaʼugö si fao harafa,
23 Isuno ndraʼugö bewegu si fao faʼomuso dödö,+