Sinunö
Sanandrösa khö Zelomo.
72 He Lowalangi, ombakhaʼö khö razo gangetula huku andrö khöu,
Hegöi sindruhu andrö ba nono razo.+
2 Yaʼifalua zindruhu ba wangoʼawögö ono mbanuamö,
Ba yaʼifalua zatulö ba wangoʼawögö ono mbanuamö nifakao.+
3 Fefu hili yaʼiʼasogö waʼatulö ba soi daʼö,
Ba fefu hili-hili yalaʼohe waʼatulö.
4 Yaʼiʼoʼawögö* niha si numana ba soi daʼö,
Yaʼiʼefaʼö ndraono niha si numana,
Ba yaʼifakiko zi falimo.+
8 Mamatörö ia* iʼotarai nasi si sambua numalö ba nasi si sambua,
Iʼotarai Nungo Nidanö Oiferati numalö ba wondrege danö.+
10 Labuʼa khönia mbeʼelö ira razo moroi ba Darisi hegöi moroi ba hulo.+
Laʼohe khönia mbuala ira razo moroi ba Zeba hegöi moroi ba Zaba.+
11 Mangalulu khönia fefu razo,
Ba mangai halöwö khönia fefu soi.
12 Börö me iʼefaʼö niha si numana siʼao khönia ba wangandrö tolo,
Simanö göi niha sambö faʼabölö ba si lö sanolo.
13 Ihakhösi tödö niha si numana ba sambö faʼabölö,
Iʼefaʼö noso niha si numana.
14 Iʼefaʼö ira* moroi ba wamakao ba faʼalösökhi,
Ebua mböli ndrora ba wamaiginia.
15 Yaʼanau nosonia ba tebeʼe khönia ganaʼa Zeba.+
Yalötebulö muʼohe ia ba wangandrö,
Ba yatefahowuʼö ia bongi maʼökhö.
16 Ba oya sibai dania mbua zinanö ba danö;+
Fahöna dania daʼö ba zuzu hili.
Fahöna mbua danö simane bua zinanö ba gatua Libano,+
Ba simane faʼoya zinanö ba danö waʼato niha misa ba mbanua.+
17 Yalötebulö döinia sagötö faʼara,+
Ba yalötebulö döinia sagötö feʼaso luo.
Yalatema howu-howu niha sato börö ia;+
Ba yadozi soi lafahowuʼö ia.
18 Nisuno Lowalangi Yehowa, Lowalangi ndraono Gizaraʼeli;+
Ha yaʼia zamalua ngawalö zahöli-höli dödö.+
19 Yatesuno döinia solakhömi irugi zi lö aetu,+
Ba yaʼafönu gulidanö lakhöminia.
Yaduhu ba Yaduhu.+
20 Daʼa gafuriata wangandrö Dawido ono Gizaʼi.+